web counter
LEXO PA REKLAMA!

SHKARKO APP

App Store
Google Play

Aktivistët e flotiljes së Gazës kthehen në Bilbao/ Përplasje fizike në aeroport me policinë

25 Maj 2026, 12:27, Kosova & Bota CNA

Aktivistët e flotiljes së Gazës kthehen në Bilbao/

Përplasje dhe tensione të forta janë shënuar në aeroportin e Bilbaos në Spanjë, gjatë kthimit të disa aktivistëve të flotiljes humanitare për Gazën, duke sjellë ndërhyrjen e ashpër të policisë dhe disa arrestime.

Sipas mediave ndërkombëtare, mbështetës të aktivistëve ishin mbledhur për të pritur gjashtë persona që po ktheheshin nga Turqia, pas ndalimit të tyre më herët nga forcat izraelite gjatë një misioni humanitar për Gazën.

Situata u përshkallëzua kur familjari i njërit prej aktivistëve u përpoq t’u afrohej atyre, por u ndalua me forcë nga policia rajonale. Kjo solli përplasje mes forcave të rendit dhe të pranishmëve, ndërsa policia përdori shkopinj gome ndaj disa personave.

Autoritetet raportuan se disa aktivistë kishin bllokuar më herët daljen e pasagjerëve të tjerë, duke e bërë të nevojshme ndërhyrjen e policisë për t’i shpërndarë. Si pasojë, katër persona u arrestuan për mosbindje të rëndë, rezistencë ndaj autoriteteve dhe sulm ndaj policisë, përfshirë dy nga aktivistët e sapokthyer.

Policia rajonale e Bilbaos ka nisur një hetim të brendshëm për të vlerësuar nëse përdorimi i forcës ishte në përputhje me procedurat zyrtare.

Ndërkohë, organizata Amnesty International dënoi ashpër incidentin, duke e cilësuar si “përdorim të tepruar force” dhe duke kërkuar përgjegjësi për veprimet e policisë. Sipas saj, pamjet nuk justifikojnë përdorimin e dhunës ndaj personave që tashmë ishin neutralizuar.

Pas ngjarjes, rreth 2.000 persona dolën në protesta në Bilbao për të denoncuar trajtimin e aktivistëve dhe veprimet e policisë. Ngjarja ndodhi në një moment tensionesh të rritura ndërkombëtare lidhur me veprimet në Gaza dhe reagimet ndaj aktivistëve të përfshirë në flotilje humanitare. /CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga