web counter
LEXO PA REKLAMA!

SHKARKO APP

App Store
Google Play

E fundit!

x

Valë e pazakontë nxehtësie në Francë/ Humb jetën një person

25 Maj 2026, 11:30, Kosova & Bota CNA

Valë e pazakontë nxehtësie në Francë/ Humb jetën

Një valë e pazakontë të nxehti ka përfshirë Francën. Si pasojë një person ka humbur jetën gjatë një gare në Paris dhe disa të tjerë përfunduan në spital.

Sipas autoriteteve franceze të emergjencës, temperaturat në Paris kaluan për herë të parë këtë vit mbi 30°C gjatë fundjavës, duke arritur deri në 31.9°C.

Shërbimi meteorologjik Meteo-France e ka cilësuar këtë situatë si një “valë të hershme dhe të jashtëzakonshme të të nxehtit” që vjen nga Afrika e Veriut.

Autoritetet vendosën 13 rajone në perëndim të Francës nën alarm të verdhë për valë të nxehti, niveli i parë i paralajmërimit. Kjo është hera e parë që një paralajmërim i tillë jepet në muajin maj që nga krijimi i sistemit në vitin 2004.

Në shumë zona të vendit temperaturat kaluan 30°C, ndërsa të dhënat paraprake treguan se të paktën 10 stacione meteorologjike kanë thyer rekorde të temperaturave për muajin maj.

Në qytetin Brest, temperaturat arritën 29.8°C, duke thyer rekordin e mëparshëm të vitit 2017. Parashikimet tregojnë se temperaturat mund të arrijnë deri në 35°C në perëndim të Francës, ndërsa autoritetet paralajmërojnë se kjo valë e nxehti mund të zgjasë edhe në ditët në vijim.

Ekspertët e klimës thonë se këto valë të përsëritura të të nxehtit janë një shenjë e qartë e ndryshimeve klimatike, të lidhura kryesisht me emetimet nga lëndët djegëse fosile, dhe se ato pritet të bëhen më të shpeshta dhe më intensive në të ardhmen. /CNA





Lajmet e fundit nga