web counter
LEXO PA REKLAMA!

SHKARKO APP

App Store
Google Play

Sulm masiv rus ndaj Kievit, një viktimë dhe 21 persona të plagosur

24 Maj 2026, 07:54, Kosova & Bota CNA

Sulm masiv rus ndaj Kievit, një viktimë dhe 21 persona të

Një person ka humbur jetën dhe 21 të tjerë janë plagosur pas një sërë sulmesh me raketa dhe dronë që Rusia ndërmori ndaj kryeqytetit ukrainas, Kievit, gjatë natës.

Shpërthime të fuqishme u dëgjuan në të gjithë qytetin, ndërsa autoritetet lokale raportuan dëme në disa zona të banuara.

Kryebashkiaku i Kievit, Vitali Klitschko, deklaroi se sulmet prekën ndërtesa banimi, shkolla dhe infrastrukturë civile në pothuajse të gjitha lagjet e qytetit.

Mes të plagosurve ndodhet edhe një djalë 15-vjeçar, ndërsa 13 persona janë transportuar në spital.

Sulmi vjen vetëm pak ditë pasi presidenti rus Vladimir Putin premtoi hakmarrje ndaj Ukrainës, duke e akuzuar atë për një sulm në qytetin e pushtuar Starobilsk. Rusia pretendon se nga sulmi në një konvikt studentor mbetën të vrarë 18 persona.

Nga ana tjetër, Shtabi i Përgjithshëm i Forcave të Armatosura të Ukrainës konfirmoi se kishte kryer një operacion pranë Starobilskut gjatë natës së të premtes, por theksoi se objektivi ishte një njësi ushtarake ruse dhe jo civilët.

Tensionet mes dy vendeve vijojnë të përshkallëzohen, ndërsa frika për sulme të tjera të mëdha ndaj qyteteve ukrainase mbetet e lartë./ CNA





Lajmet e fundit nga