web counter
LEXO PA REKLAMA!

SHKARKO APP

App Store
Google Play

E fundit!

x

Aksidenti i rëndë në Milano/ Tramvaji del nga shinat, dy të vdekur dhe dhjetëra të plagosur

27 Shkurt 2026, 20:44, Kosova & Bota CNA

Aksidenti i rëndë në Milano/ Tramvaji del nga shinat, dy të

Të paktën dy persona kanë humbur jetën dhe rreth 40 të tjerë janë plagosur, pasi një tramvaj doli nga shinat në Milano të Italisë.

Tramvaji i mbushur me njerëz po udhëtonte në linjën 9 përgjatë Viale Vittorio Veneto të Milanos rreth orës 16:00 sipas orës lokale, kur doli nga shinat dhe u përplas me një ndërtesë.

Një nga personat që vdiq, një burrë 60-vjeçar, dyshohet të ketë qenë një këmbësor i goditur nga tramvaji, ndërsa viktima tjetër dhe shumica e të plagosurve ishin pasagjerë.

Ambulanca të shumta shkuan në vendngjarje pas raportimeve për njerëz të bllokuar në rrënoja.

Ndërsa po dilte nga shinat, tramvaji raportohet se fillimisht goditi një semafor përpara se të thyente dritaren e një restoranti. Ekipet e mbrojtjes civile kanë ngritur një tendë në vendngjarje për të ndihmuar të plagosurit.

Nuk është e qartë se çfarë e shkaktoi daljen nga shinat, megjithëse dyshohet se tramvaji kishte marrrë një kthesë me shumë shpejtësi.

Kryetari i bashkisë së Milanos, Giuseppe Sala, dhe zyrtarë të tjerë të qytetit shkuan në vendin e aksidentit. Sala tha se incidenti ishte një tragjedi dhe premtoi se do të hetojë shkaqet e aksidentit. Aktualisht po shqyrtohet mundësia që shoferi i tramvajit të jetë ndjerë.

Incidenti vjen në një kohë kur qyteti është i mbushur me vizitorë ndërkombëtarë, personazhe të famshëm dhe gazetarë për Javën e Modës në Milano. /CNA





Lajmet e fundit nga