web counter
LEXO PA REKLAMA!

SHKARKO APP

App Store
Google Play

E fundit!

x

1 milion euro në kufi të Merdarës/ Kush është polici shqiptar i përfshirë në skemën e transportit

24 Shkurt 2026, 20:43, Kosova & Bota CNA

1 milion euro në kufi të Merdarës/ Kush është polici

Rreth 1 milion euro të padeklaruara janë zbuluar nga zyrtarët e Doganës së Kosovës dhe Policia Kufitare në pikëkalimin kufitar në Merdarë.

Sipas njoftimit zyrtar të Doganës, rasti ka ndodhur më 24 shkurt 2026, kur një automjet që po hynte në territorin e Kosovës është përzgjedhur për kontroll të detajuar, bazuar në analizën e riskut dhe procedurat standarde operative.

Automjeti fillimisht është kontrolluar përmes pajisjes së skanimit me rreze X, ku janë vërejtur indikacione për një hapësirë të dyshimtë të modifikuar në dysheme. Pas kësaj, Dogana ka kërkuar asistencë nga Policia Kufitare, e cila ka ofruar mbështetje teknike me pajisje fibroskopike.

Gjatë kontrollit të përbashkët është konfirmuar se brenda hapësirës së improvizuar ishin fshehur mjete monetare të padeklaruara. Sipas vlerësimeve fillestare, shuma dyshohet të jetë rreth 1 milion euro.

Burime të KALLXO.com bëjnë të ditur se të dyshuar për rastin janë A.L, polic i Policisë së Shtetit në Shqipëri, si dhe A.K dhe E.A.

Njësitë hetimore të Doganës kanë dalë në vendin e ngjarjes dhe për rastin është njoftuar prokurori kompetent. Hetimet janë në vazhdim për të zbardhur plotësisht rrethanat e ngjarjes.

Dogana e Kosovës ka theksuar se përdorimi i teknologjisë së avancuar, si skanerët X-Ray, mbetet një ndër mjetet kryesore në luftimin e kontrabandës dhe parandalimin e veprimtarive të kundërligjshme financiare./ CNA





Lajmet e fundit nga