web counter
LEXO PA REKLAMA!

SHKARKO APP

App Store
Google Play

E fundit!

x

4 vite nga lufta e Rusisë/ Gonzato: Asnjë marrëveshje paqeje nuk mund të jetë e besueshme pa Ukrainën

24 Shkurt 2026, 17:23, Kosova & Bota CNA

4 vite nga lufta e Rusisë/ Gonzato: Asnjë marrëveshje paqeje nuk

Në një aktivitet në kryeqytet, Ambasada e Ukrainës në Shqipëri çeli sot ekspozitën “Katër Vite Rezistencë”, një ngjarje që nderon qëndrueshmërinë dhe guximin e popullit ukrainas pas katër vitesh luftë kundër agresionit rus.

Ekspozita mblodhi bashkë ukrainasit që jetojnë në Shqipëri, përfaqësues të trupit diplomatik dhe autoritetet shqiptare, të cilët kujtuan viktimat e luftës dhe bënë homazh forcës së popullit ukrainas.

Në fjalën e tij, Ambasadori i BE-së në Shqipëri, Silvio Gonzato, theksoi:

“Sot, mbi të gjitha, duhet t’i bëjmë homazh popullit ukrainas, i cili çdo ditë tregon një qëndrueshmëri dhe forcë të jashtëzakonshme, pavarësisht agresionit brutal të Rusisë. Pas katër vitesh lufte, 2026 duhet të jetë viti kur agresioni ndaj Ukrainës të marrë fund.

Ne duam paqe në Ukrainë dhe duam që kjo paqe të zgjasë. Asnjë marrëveshje paqeje nuk mund të jetë e besueshme apo e qëndrueshme pa Ukrainën, dhe asnjë zgjidhje që prek sigurinë evropiane nuk mund të ketë sukses pa angazhimin e plotë të Evropës. Slava Ukraini!”, tha Ambasadori i BE-së në Shqipëri, Silvio Gonzato.

Ekspozita “Katër Vite Rezistencë” ofron një mundësi për të reflektuar mbi vuajtjet, heroizmin dhe qëndrueshmërinë e popullit ukrainas, duke sjellë solidaritet dhe kujtesë historike për publikun shqiptar./ CNA





Lajmet e fundit nga