web counter
LEXO PA REKLAMA!

SHKARKO APP

App Store
Google Play

E fundit!

x

Në një email të tij për Epstein përmendej Shqipëria/ Ish-kryeministri norvegjez tenton vetëvrasje

24 Shkurt 2026, 17:22, Kosova & Bota CNA

Në një email të tij për Epstein përmendej

Disa ditë pasi policia norvegjeze nisi një hetim për korrupsion lidhur me dosjet e Epstein dhe kontrolloi pronat e tij, ish-kryeministri i Norvegjisë, Thorbjorn Jagland, u shtrua në spital pas një tentative të dyshuar për vetëvrasje. Kështu është raportuar nga mediat norvegjeze.

Sipas dokumenteve të publikuara nga Departamenti i Drejtësisë i SHBA-së, Jagland dhe anëtarët e familjes së tij dyshohet se kanë kaluar pushimet në rezidencat e abuzuesit të dënuar për krime seksuale dhe financierit të ndjerë Jeffrey Epstein midis viteve 2011 dhe 2018. Pas kësaj, autoritetet norvegjeze nisën një hetim për korrupsion kundër tij dhe kontrolluan pronat e tij. Thuhet se hetuesit morën disa kuti nga banesa e tij në Oslo.

Ndërkohë në një email i zbuluar nga dosja “Epstein” tërhoqi vëmendjen, pasi përfshinte një komunikim të dërguar nga Thorbjorn Jagland për Jeffrey Epstein, vetëm një ditë pas një vizite të tij zyrtare në Tiranë. Në emailin e datës 25 maj 2012, Jagland shkruan: "Kam qenë në Tiranë, ka vajza të jashtëzakonshme".

Në një email të tij për Epstein përmendej

Vizita e Jagland në Shqipëri, më 24 maj 2012, asokohe përfshinte takime me liderë të lartë shtetërorë. Jeffrey Epstein, i cili ishte një financier amerikan, u bë i njohur për akuzat e rënda për trafikim të të miturve, abuzim seksual dhe shfrytëzim. Ai drejtonte një rrjet të gjerë të shfrytëzimit seksual që përfshinte viktima të mitura dhe figura të larta politike, bizneseve dhe shoqërisë.

Epstein u arrestua në vitin 2019 dhe vdiq në qelinë e tij të burgut nën rrethana të dyshimta. Hetimet ndaj tij dhe lidhjeve të mundshme me individë të fuqishëm vazhdojnë të trazojnë skena politike dhe shoqërore ndërkombëtare, duke përfshirë lidhjet me figura si Thorbjorn Jagland. /CNA





Lajmet e fundit nga