web counter
LEXO PA REKLAMA!

SHKARKO APP

App Store
Google Play

E fundit!

x

Gabimi i robotit “Bard AI” të Google i kushton kompanisë 100 miliardë dollarë aksione

2023-02-09 08:26:00, Tech CNA
Gabimi i robotit “Bard AI” të Google i kushton kompanisë
Foto ilustruese

Google po kërkon mënyra për të bindur njerëzit se është ende përpara sa i përket garës për teknologjinë më të mirë të inteligjencës artificiale.

Deri më tani, gjigandi i tekonologjisë ka dalë me përgjigjen e gabuar.

Një reklamë e krijuar për të treguar robotin e saj të ri të AI, tregoi se i përgjigjej gabimisht një pyetjeje.

Aksionet e kompanisë mëmë Alphabet u ulën me më shumë se 7% të mërkurën, duke rrëzuar 100 miliardë dollarë (82 miliardë £) nga vlera e tregut të firmës.

Në promovimin për robotin , i njohur si Bard, i cili u publikua në Twitter të hënën, roboti u pyet se çfarë t'i tregonte një nëntë-vjeçari rreth zbulimeve nga teleskopi hapësinor James Webb.

Ai ofroi përgjigjen se teleskopi ishte i pari që bëri fotografi të një planeti jashtë sistemit diellor të tokës, kur në fakt ky moment historik u pretendua nga Teleskopi Shumë i Madh Evropian në 2004, një gabim i vërejtur shpejt nga astronomët në Twitter.

Investitorët gjithashtu u tronditën nga një prezantim që kompania bëri në lidhje me planet e saj për të vendosur inteligjencën artificiale në produktet e saj.

Google ka qenë nën presion që nga fundi i vitit të kaluar, kur OpenAI i mbështetur nga Microsoft zbuloi softuerin e ri ChatGPT.

Microsoft këtë javë tha se një version i ri i motorit të tij të kërkimit Bing, do të përdorte teknologjinë ChatGPT në një formë edhe më të avancuar.

Megjithëse investitorët kanë përqafuar shtytjen për inteligjencën artificiale, skeptikët kanë paralajmëruar se kjo përbën një rrezik ndaj gabimeve apo rezultateve të shtrembëruara, si dhe çështjet e plagjiaturës.





Lajmet e fundit nga