web counter
LEXO PA REKLAMA!

SHKARKO APP

App Store
Google Play

E fundit!

x

Rama me operatorët turistikë: Çmimet e shërbimeve të vendosen me vizion strategjik

2026-04-13 16:51:00, Politikë CNA

Rama me operatorët turistikë: Çmimet e shërbimeve të

Kryeministri Edi Rama zhvilloi një bashkëbisedim këtë të hënë me operatorë të ndryshëm turistikë në qytetin e Vlorës.

Në fjalën e tij, Rama theksoi se çmimet në këtë industri duhet të përcaktohen sipas një vizioni strategjik.

Sipas kreut të qeverisë, operatorët turistikë duhet të përqëndrohen në një plan afatmesëm dhe afatgjatë, që do të shërbejë për të siguruar fitime të qëndrueshme jo vetëm përgjatë një sezoni turistik, por edhe në vijim.

“Çmimet nuk i vendos qeveria dhe nuk ka asnjë instrument për t’i kontrolluar ose imponuar ato, çmimet i vendos tregu. Por, në këtë industri, çmimet duhet të përcaktohen sipas një vizioni strategjik për fatin e investimeve tuaja. Nuk mund të veprosh si i ‘dehur’ nga turizmi. Nuk mund të ofrosh shërbime të dobëta dhe të vendosësh çmime të larta. Një strategji afatmesme dhe afatgjatë është kyçe për të siguruar fitime të qëndrueshme dhe jo vetëm për momentin”,-tha Rama./CNA





Lajmet e fundit nga