LEXO PA REKLAMA!

SHKARKO APP

App Store
Google Play

Ndahet nga jeta Robert Naçi, pedagogu i mirënjohur/ Universiteti i Korçës, mesazh ngushëllimi

2022-10-16 20:07:00, Kulturë CNA
Ndahet nga jeta Robert Naçi, pedagogu i mirënjohur/ Universiteti i
Foto ilustruese

Robert Naçi, pedagogu në Universitetin e Korçës është ndarë nga jeta në moshën 69-vjeçare.

Lajmi është bërë i ditur nga Universiteti “Fan S. Noli”, i cili njofton se pedagogu humbi betejën me një sëmundje të rëndë.

Universiteti “Fan S. Noli” shpreh ngushëllime për humbjen e këtij personaliteti të Korçës dhe tregon kontributin që Naçi ka dhënë ndër vite për djepin e dijes dhe kulturës.

“Universiteti “Fan S. Noli” përcjell me dhembje dhe mirënjohje të thellë ndarjen nga jeta pas një sëmundjeje të rëndë në moshën 69-vjeçare të pedagogut, prof. as. dr. Robert Naçi.

Karriera e tij gati 20-vjeçare ishte një kontribut i shënuar si në rritjen e zhvillimin e Universitetit të Korçës, ashtu edhe të veprimtarisë shkencore të Fakultetit të Bujqësisë. Veprimtaria e tij kryesore kërkimore e shkencore përfshin fushën e agronomisë veçanërisht fushën e frutikulturës dhe atë të mbrojtjes së bimëve.

Ndahet nga jeta Robert Naçi, pedagogu i mirënjohur/ Universiteti i

Prof. Roberti ka qenë pjesëmarrës në mjaft konferenca shkencore të organizuara brenda dhe jashtë vendit dhe me punën e tij të frytshme, shkencore dhe pedagogjike la gjurmë të pashlyeshme në formimin e studentëve për vite të tëra.

Për përkushtimin, profesionalizmin, pasionin në punë dhe ndërgjegjen e lartë që ka treguar për vite me radhë si pedagog i agronomisë në Universitetin “Fan S. Noli”, duke selitur emrin e tij në zemrën dhe në diplomat e qindra studentëve agronomë, Universiteti “Fan S. Noli” e ka vlerësuar prof. Robert Naçin me Certefikatë Mirënjohjeje të shoqëruar me Medaljen e Argjendtë të Universitetit.

I dashur dhe bashkëpunues me të gjithë, energjik e i palodhur, modest, kërkues dhe korrekt në punë do të mbetet për kolegët, miqtë e studentët, prof. Roberti.

Universiteti “Fan S. Noli” në emër të stafit dhe të studentëve i shpreh familjes ngushëllimet më të thella e të sinqerta për ndarjen nga jeta të njeriut të dashur dhe prindit të urtë.”, thuhet ndër të tjera në mesazhin e Universitetit “Fan S. Noli”./ B.A. – CNA.al

Lajmet e fundit nga