web counter
LEXO PA REKLAMA!

SHKARKO APP

App Store
Google Play

E fundit!

x

Tatimet caktojnë pagat për sektorin e ndërtimit

1 Dhjetor 2025, 13:08, Ekonomi CNA

Tatimet caktojnë pagat për sektorin e ndërtimit

Drejtoria e Përgjithshme e Tatimeve ka njoftuar se janë përcaktuar pagat në sektorin e ndërtimit.

Në njoftimin e bërë, Tatimet bëjnë me dije se do të analizohen të gjitha pagat e punonjësve të deklaruar.

Sipas listës së pagave indikative të publikuar, vlera e pagës minimale e përcaktuar është 80 mijë lekë të rinj për profesionin mbështetës në ndërtim. Pa përfshirë profesionin e sanitarit, që është caktuar paga minimale 60 mijë lekë të rinj.

Tatimet thonë se në rastet kur deklarimi është nën pagën indikative, tatimpaguesi klasifikohet si subjekt me risk.

 

Njoftimi i Tatimeve

 

Administrata Tatimore apel tatimpaguesve: Deklaroni saktë pagat e punonjësve për të shmangur masat administrative

Në kuadër të zbatimit të planit sektorial të ndërtimit dhe rritjes së pagesave për sigurimet shoqërore në funksion të rritjes së pensioneve, Administrata Tatimore informon të gjithë tatimpaguesit e këtij sektori se do të analizohen pagat e punonjësve të deklaruar në listëpagesat e këtij sektori.

Për vlerësimin e riskut të tatimpaguesve që shmangin pagesën reale të pagave të punonjësve, analiza do të ketë si element krahasues pagat indikative të profesioneve në sektorin e ndërtimit sipas tabelës bashkëlidhur këtij njoftimi.

Tatimet caktojnë pagat për sektorin e ndërtimit

Kujdes.

Çdo tatimpagues që pagën e punonjësit të tij të deklaruar, për profesionet e sipërpërmendura ose të ngjashme me to, do ta ketë nën nivelin e pagës indikative, dhe që ndryshon profesionin me qëllim kategorizimin në pagën më të vogël do të konsiderohet me risk dhe do të jetë objekt kontrolli nga strukturat e specializuara të Administratës Tatimore.





Lajmet e fundit nga