web counter
LEXO PA REKLAMA!

SHKARKO APP

App Store
Google Play

Subvencionim me 70% për familjet që instalojnë panele diellore/ Balluku jep njoftimin e rëndësishëm: Ja kur hapen aplikimet

4 Tetor 2022, 09:04, Ekonomi CNA

Subvencionim me 70% për familjet që instalojnë panele diellore/

Familjet që do të instalojnë panele diellore do të subvencionohen 70 për qind nga shteti.

Ministria e Energjitikës, Belinda Balluku, ka njoftuar në rrjete sociale se thirrjet për subjektet që tregtojnë dhe instalojnë panelet diellore janë çelur që me 1 tetor.

Ndërsa një muaj më vonë, do të hapen aplikimet për 2 000 familjet e para.

“Programi për subvencionimin me 70% të shumës për çdo familje që do të instalojë panele diellore në banesë për ngrohjen e ujit, është një instrument tjetër i rëndësishëm për të përballuar krizën energjetike.

Në 1 tetor çelëm thirrjen për subjektet që tregtojnë, por edhe instalojnë panelet diellore, ndërsa në datën 1 nëntor do të hapim aplikimet për 2000 familjet e para të interesuara, që duan të përfitojnë nga ky program”, shkruan Balluku në rrjete sociale.

Më tej, ministrja Balluku garanton se ky proces do të jetë transparent.

“Do të jetë një proces transparent dhe i hapur për këdo dhe jemi besimplotë se qytetarët do ti përgjigjen kësaj thirrjeje që jo vetëm ul me 20% koston e faturave të tyre të energjisë, por ul edhe konsumin e përgjithshëm”, shkruan më tej Balluku./CNA.al





Lajmet e fundit nga