E fundit!

09:42 Aktualitet

“Jam i kërcënuar me jetë, si unë dhe familja ime”/ Flet ish i dënuari, akuza oficerit të policisë gjyqësore

Besmir Gjezari sot ka përfituar lirinë falë projektligjit ...

Rriten shpenzimet qeveritare/ Ministrja e Financave “lulëzon” ekonominë

3 Tetor 2022, 11:40, Ekonomi CNA

Rriten shpenzimet qeveritare/ Ministrja e Financave “lulëzon”

Ministrja e Ekonomisë dhe Financave, Delina Ibrahimaj, në një konferencë për mediat ka njoftuar se janë rritur të ardhurat me 15.9%, në krahasim me një vit më parë.

Sipas saj është shënuar ecuri pozitive në prodhimin vendas dhe sektori i prodhimit është rritur.

Por nga ana tjetër, sipas Ibrahimajt, Importi i energjisë ka ardhur në rënie dhe norma e rritjes së TVSH-së është ndjeshëm më e lartë se rritja e normave të çmimeve.

“Inflacioni kryesisht i importuar. Kemi pasur një rritje në sektorin e ndërtimit. Në 8-mujor kemi pasur një rritje me 15. 5% në sektorin e ndërtimit, sektori i prodhimit me 25%.

Sa i përket turizmit, kemi pasur një rritje të qarkullimit të turizmit me 30%. Pritshmëria lidhet dhe me numrin e bizneseve që kemi të regjistruara. Ka një rënie të bizneseve të pezulluara.

Si nivel biznesesh të reja kemi një rritje prej 10.2%. nëse do të shohim treguesit e tregtisë së jashtme kemi pasur një rritje të importeve dhe eksporteve në vlerë. Importet janë rritur me 25%.

Rritje e importeve në vëllim dhe në vlerë. Reflektimi i rënies është i lidhur me uljen e kërkesës për shkak të çmimeve shumë të larta.

Sa u përket sektorëve që janë lidhur me aktivitetin prodhues në vend, kryesisht ekspertët e manifakturës kanë pësuar një rritje në vlerë dhe në vëllim.

Të ardhurat janë 15.9 % më shumë. Kjo është lidhur ngushtësisht me çmimet, por edhe me aktivitetin ekonomik në vend. Por edhe rritjen e kapacitetve të miradministrimit. Të ardhurat janë 15.9 më shumë në krahasim me një vit më parë. Edhe muaji shtator ka qëndruar në të njëjtën linjë", është shprehur Ibrahimaj.

Ibrahimaj ka folur edhe për shpenzimet qeveritare, të cilat janë rritur referuar shifrës që ministrja raporton.

“Sa u takon shpenzimeve qeveritare në 8 muaj, kemi pasur shpenzime 1.4% më të lartë. Në bazë të informacioneve ne mendojmë se 3-mujori i tretë i vitit do të ketë një ecuri të përshpejtuar të rritjes ekonomike në krahasim me tremujorin e dytë”, u shpreh Ministrja./CNA.al