web counter
LEXO PA REKLAMA!

SHKARKO APP

App Store
Google Play

Sejko nuk ndryshon qëndrim/ “Banka e Shqipërisë s’do të ndërhyjë në kursin e këmbimit”

4 Tetor 2023, 16:48, Ekonomi CNA
Sejko nuk ndryshon qëndrim/ “Banka e Shqipërisë s’do
Guvernatori i Bankës së Shqipërisë, Gent Sejko

Banka e Shqipërisë nuk do të ndërhyjë në kursin e këmbimit, pavarësisht luhatjeve që mund të ketë momentalisht valuta.

Këtë e konfirmoi Guvernatori i Bankës së Shqipërisë, Gent Sejko, gjatë konferencës me gazetarët.

Sejko tha se nuk ka asnjë arsye për të ndërhyrë, pasi theksoi se kursi i këmbimit ka një sjellje normale që përcaktohet në kriteret e tregut.

“Kalendari i ndërhyrjeve është ndryshuar gjatë muajit gusht, ne nuk kemi në plan të bëjmë ndërhyrje të tjera përtej kalendarit, në rast se nuk plotësohen kriteret që ka përcaktuar ligji për të mbajtur një kur këmbimi të stabilizuar. Normalisht regjistrimi i kursit të këmbimit është i lirë përsa kohë që kursi i këmbimit ka një sjellje normale, ka një sjellje që përcaktohet në kriteret e tregut dhe jo në kushte spekulative ne nuk kemi pse ndërhyjmë dhe nuk kemi në plan të ndërhyjmë.

Edhe njëherë theksojmë se një kurs këmbimi jo vetëm i stabiliuar, por një kurs këmbimi i fortë i lekut kundrejt monedhave të huaja, ndihmon mbajtjen e çmimeve nën kontroll, pra rritjen e fuqisë blerëse të popullatës dhe mbajtjen nën kontroll të presioneve inflacioniste. Objektivi ynë kryesor është inflacioni, por jo vetëm. Nëse kursi i kmëbimit do të ndihmojë në mbajtjen e çmimeve nën kontroll, natyrisht që Banka Qendrore nuk ka arsye përse të ndërhyjë në kursin e këmbimit”, nënvizoi ai./ CNA





Lajmet e fundit nga