Rama flet në vend të ministres/ “Rritja e normës së interesit, avantazh për ata që duan të investojnë në bono thesari”

15 Nëntor 2022, 10:44, Ekonomi CNA

Rama flet në vend të ministres/ “Rritja e normës së

Kryeministri Edi Rama dhe ministrja e Financave dhe Ekonomisë Delina Ibrahimaj zhvilluan një konferencë për shtyp me median për investimet në bono thesari.

Kryeministri Edi Rama u shpreh se rritja e normës së interesit është një avantazh për të gjithë ata që duan të investojnë në bonot e thesarit dhe që janë me risk zero.

"Jemi në një fazë të rritjes së normave të interesit dhe pikërisht për këtë arsye pavarësisht shkaqeve që edhe këto janë të mirënjohur që lidhen me krizën e përgjithshme, rritja e normave të interesit është një avantazh për të gjithë ata që investojnë në bonot e thesarit që janë me risk zero. Për këtë arsye BSH ka rihapur sportelet që tua lehtësojë individëve aksesin në të gjitha degët e saj. Një hap pozitiv në funksion të kontakteve të drejtpërdrejta me qytetaret me BSH. dhe një shenjë kuptimplotë që banka u jep të gjithë atyre që dëshirojnë ose mund ta kthejnë investimin në bonot e thesarit me afatgjata. Kjo mundësi e krijuar nga kjo situatë për qytetarët dhe për çdo subjekt individ që dëshiron të përfshihet në investime në bonot e thesarit duke paguar një komision shumë më të vogël nga ajo që ofrojnë bankat e nivelit të dytë dhe duke i depozituar këto fonde në sportelet bankave dhe më pas duke i dorëzuar në BSH.’- u shpreh Rama.

Për sa i përket krizës ekonomike që ka shkaktuar Lufta mes Ukrainës dhe Rusisë, kreu i qeverisë u shpreh se se inflacioni është mbajtur në një lloj kontrolli më të madh se në vendet e tjera të rajonit, si rezultat i mosrritjes së çmimit të energjisë.

“Është një moment kompleks i ekonomisë në tërësi. Ekonomia jonë nuk bën përjashtim pasi jemi pjesë e së njëjtës hapësirë që është në presionin e luftës dhe të një agresioni që materializohet mbi ne përmes krizës së çmimit të energjisë që e kemi përballuar me shumë sukses përderisa nuk është rritur asnjë qindarkë fatura e familjarëve dhe e biznesit të vogël dhe përmes inflacionit të luftës, i cili pavarësisht se është e pamundur të eliminohet siç kemi mundur të eliminojmë deri tani çmimin e rritur, duke subvencionuar të gjithë pjesën e padukshme të faturës, është mbajtur në një lloj kontrolli më të madh se në vendet e tjera të rajonit, si rezultat i mosrritjes së çmimit të energjisë”, shtoi ndër të tjera kryeministri./CNA.al