Mikrokreditë për 7 minuta/ Komisioni i Ekonomisë iu kërkon llogari shoqatave: Si ju lind besimi ?!

14 Qershor 2022, 19:12, Ekonomi CNA
Mikrokreditë për 7 minuta/ Komisioni i Ekonomisë iu kërkon
Foto ilustruese

Shtimi i kërkesave për kredi ka bërë që deputetët e komisionit të ligjeve të kërkojnë më shumë informacion nga shoqatat që ofrojnë mikrokredi sesi i japin ato dhe ku bazohen.

Sipas informacionit të deputetëve të komisionit të ekonomisë, janë  261 mijë qytetarë, biznese dhe fermerë që iu drejtuan institucioneve financiare jo banka për të marrë mbi 250 milionë euro kredi vitin e shkuar. Sipas deputetëve këto janë shifra të rëndësishme dhe kërkojnë  një vëmëndje të shtuar.

Në një seancë dëgjimore me shoqatën “Mikrofinanca Shqiptare”, deputetët ngritën disa shqetësime, lidhur me procedurat dhe normat e interesit që ka sot ky treg.

Për deputetët e mazhorancës është e pa besueshme sesi lind besimi nga këta institucione për të dhënë para për 7 minuta.

Por përfaqësuesit e shoqatave sqaruan se ata nuk japin para për 7 minuta, por ofrojnë shërbimin dhe lehtësojnë procedurat për marrjen e kredisë në 7 minuta.

Gjithashtu deputetët kanë kërkuan më shumë informacion edhe mbi mënyrën se si veprohet me kreditë e këqija, veçanërisht për rastet që përfundojnë me përmbarues privat. Sipas përfaqësuesve të shoqatës, ky është një segment tjetër i institucioneve financiare jo banka, që operon kryesisht duke blerë kreditë e këqija nga sektori bankar./CNA.al

Lajmet e fundit nga