web counter
LEXO PA REKLAMA!

SHKARKO APP

App Store
Google Play

“Me çfarë keni ardhur në punë sot”?/ Arben Ahmetaj “mbytet” me pyetje për çmimin e naftës

9 Qershor 2022, 10:21, Ekonomi CNA
“Me çfarë keni ardhur në punë sot”?/ Arben
Zv/kryeministri Arben Ahmetaj

Zëvendëskryeministri Arben Ahmetaj, në një konferencë me gazetarët, pas mbledhjes se Qeverisë, është pyetur për rritjen e  çmimit të naftës.

“Ju ministër me çfarë keni ardhur në punë sot, se autobusët po fikin kondicionerët për të kursyer naftën?”, është pyetur Ahmetaj nga gazetarët e pranishëm.

Ahmetaj, nuk i është përgjigjur drejtpërdrejt pyetjes, por ka rikthyer në vëmendje planin e masave që janë marrë nga Qeveria për qytetarët.

 “Nëse keni interes çfarë bëjnë qytetarë, dua të ndaj me ju se Qeveria ka menduar para disa muajve për ato pakte se sot janë publike dhe në funksion. Shqipëria e ka inflacionin 6.2% dhe kjo ka të bëjë me mbështetjen që ka dhënë qeveria, për mbështetjen e të ardhurave. Ju ftoj t'i shikoni gjithë statistikat në rajon, Shqipëria është 6.2 më e ulëta në rajon. Është një krizë globale që e ka gjenezën në Ukrainë. Globalisht diskutimi është si të sigurohen rrugët e furnizimit. Po në këtë fazë ku gjithë kriza ndërkombëtare e energjisë e preson tregun, ne jemi treg i hapur dhe prekemi nga ajo krizë. Është një krizë që nuk i dihet fundi. Qeveria është e përgatitur që hap pas hapi të marrë masat e duhura. Jemi të përgatitur që buxheti i shtetit të përballojë të gjitha detyrimet që ka. Me pensionet, me paketat sociale ne do të vazhdojmë t'i angazhojmë të gjitha politikat sociale”, është shprehur Ahmetaj./CNA.al





Lajmet e fundit nga