web counter
LEXO PA REKLAMA!

SHKARKO APP

App Store
Google Play

2 parqe fotovoltaike do të ndërtohen në Korçë/ Balluku zbardh vendimet e Qeverisë

9 Qershor 2022, 10:28, Ekonomi CNA
2 parqe fotovoltaike do të ndërtohen në Korçë/
Ministrja e Infrastrukturës dhe Energjetikës, Belinda Balluku

Ministrja e Infrastrukturës dhe Energjetikës, Belinda Balluku, ka njoftuar se në mbledhjen e Qeverisë është kaluar projektvendimi që prodhuesit e përcaktuar me përparësi të energjisë elektrike të paguajnë disbalancat.

“Kemi kaluar një projektvendim për disbalancat të shkaktuara nga prodhuesit me përparësi të energjisë elektrike, e cila synon miratimin e mënyrës së trajtimit të disbalancave të shkaktuara nga këta prodhues dhe kostot përkatëse. Deri më sot të gjithë prodhuesit, qoftë nga hidrocentralet e vogla apo parqet fotovoltaike, disbalancat i mbulonin operatorët shtetërorë, ndërkohë që duke filluar nga dita e sotme, të gjitha entitetet që prodhojnë energji dhe janë prodhuesit e përcaktuar me përparësi të energjisë elektrike do të paguajnë disbalancat që është çmim simbolik, por shëndosh sistemin elektroenergjetik dhe financat e kompanive shtetërore që operojnë në këtë sistem”, është shprehur Balluku.

Gjithashtu janë miratuar dy parqe fotovoltaike në qarkun e Korçës, secili nga 20 MWH, pa mbështetje financiare nga shteti shqiptar, pra investim privat.

Sipas Ballukut, ky është lajm shumë i mirë, është investim nga entitete vendase, por që përkon me një periudhë shumë të vështirë sa i përket energjisë elektrike.

Gjithashtu në mbledhjen e Qeverisë është miratuar edhe projektvendimi për miratimin e marrëveshjes hidrokarbure për zhvillimin e hidrokarbureve në vendburimin e gazit natyror.

“Të dyja vendburimet që kanë qenë në pronësi të AlbPetrol, në fund të jetës së ciklit të investimeve do të kemi rijetësim, parashikohet që në fazën e eksplorimit të investohen 500 mijë dollarë për secilin vendburim, investim i rëndësishëm në fushën e gazit”, ka njoftuar Balluku./CNA.al





Lajmet e fundit nga