web counter
LEXO PA REKLAMA!

SHKARKO APP

App Store
Google Play

Guvernatori Sejko takon misionin e Fondit Monetar Ndërkombëtar

11 Korrik 2025, 19:48, Ekonomi CNA

Guvernatori Sejko takon misionin e Fondit Monetar Ndërkombëtar

Guvernatori i Bankës së Shqipërisë Gent Sejko zhvilloi sot një takim me misionin e Fondit Monetar Ndërkombëtar.

Qëllimi i vizitës ishte zhvillimi i dialogut periodik me autoritetet shqiptare mbi zhvillimet ekonomike, monetare e financiare, si dhe politikat e duhura për nxitjen e zhvillimit të qëndrueshëm ekonomik dhe ruajtjen e stabilitetit financiar të vendit.

Guvernatori Sejko i njohu me zhvillimet më të fundit në ekonominë vendase, ku theksoi se aktiviteti ekonomik është rritur me ritme të qëndrueshme, inflacioni i çmimeve të konsumit është stabilizuar në nivele të ulëta, ndërsa tregjet financiare janë shfaqur të qeta dhe kushtet e financimit mbeten akomoduese .

Përfaqësuesit e FMN shprehën mbështetjen e tyre për politikën monetare të ndjekur nga BSH dhe kontributin e rëndësishëm të saj në stabilitetin monetar e financiar. Ata theksuan rëndësinë e vijimit të regjimit të kursit të lirë të këmbimit , duke nënvizuar se ky regjim ofron një instrument mjaft të dobishëm në amortizimin e goditjeve të huaja dhe është përqasja më e mirë në procesin e konvergjencës me standardet e BE.

Në një komunikim për mediat, bëhet me dije se përfaqësuesit e misionit vlerësuan pozitivisht nismat e mara nga BSH në drejtim të mbikëqyrjes bankare, të përmirësimit të kuadrit rregullator për mbrojtjen e konsumatorëve, të rritjes së kujdesit makroprudencial, veçanërisht për kontrollin e ekspozimit të sektorit bankar ndaj kredive hipotekare, si edhe në drejtim të nxitjes e zhvillimit të sistemit të pagesave.

Gjatë takimit, përfaqësuesit e Misionit theksuan rëndësinë primare që një bankë qendrore e pavarur, profesionale dhe transparente , ka për ruajtjen e stabilitetit monetar e financiar, si parakushte për një zhvillim të shpejtë e të qëndrueshëm të vendit, duke nënvizuar se kjo pavarësi është, gjithashtu, edhe një kriter primar i ruajtjes së besimit të investitorëve vendas e të huaj në ekonominë dhe sistemin financiar shqiptar./CNA





Lajmet e fundit nga