LEXO PA REKLAMA!

SHKARKO APP

App Store
Google Play

E fundit!

x

Bordi i Transparencës nxjerr çmimet e reja/ Ulet nafta dhe benzina, sa do të shiten karburantet

16 Mars 2023, 15:43, Ekonomi CNA
Bordi i Transparencës nxjerr çmimet e reja/ Ulet nafta dhe benzina,
Foto ilustruese

Bordi i Transparencës ka ndryshuar sërish ditën e sotme çmimet e karburanteve.

Mësohet se është ulur me 7 lekë çmimi i naftës dhe me 4 lekë çmimi i benzinës.

Konkretisht nafta dhe benzina do të shiten me 182 lekë, ndërsa gazi me 75 lekë.

Si rrjedhojë çmimet e vendosura janë :

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 182 lekë/litri, ndërsa i shitjes me shumicë jo më shumë se 170 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 182 lekë/litri, ndërsa i shitjes me shumicë jo më shumë se 170 lekë/litër.

Çmimi i shitjes me pakicë i nënproduktit gaz, të jetë 75 lekë/litri me pakicë dhe i shitjes me shumicë 63 lekë/litër për automjetet.

Çmimi i gazoilit për peshkim është vendosur 89 lekë/litër.

Çmimet e caktuara nga Bordi do të hynë në fuqi në datë 16 Mars  ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Bordi i transparencës që në krijimin e tij i është përmbajtur me përpikmëri në vendimet e tij lëvizjes së bursës Platts të Mesdheut për gazoilin, benzinën, si dhe faturave zyrtare të operatorëve.

Ministria e Financave dhe Ekonomisë ndjen detyrimin të sqarojë opinionin publik se jo çdo lëvizje e bursës së naftës bruto reflektohet në të njëjtën kohë dhe në të njëjtën masë në bursën e gazoilit dhe benzinës./ CNA

Lajmet e fundit nga