web counter
LEXO PA REKLAMA!

SHKARKO APP

App Store
Google Play

Bankat shqiptare fituan 361 milionë euro neto vitin e kaluar

7 Shkurt 2025, 13:01, Ekonomi CNA

Bankat shqiptare fituan 361 milionë euro neto vitin e kaluar

Bankat shqiptare përjetuan një tjetër vit të artë në 2024-ën teksa fitimet e tyre u rritën me 27 për qind krahasuar me një vit më parë. Të dhënat zyrtare nga Shoqata e Bankave tregojnë se për gjithë vitin 2024, bankat fituan 36.1 miliardë lekë ose 361 milionë euro neto, nga 285 milionë euro që ishte fitimi i vitit 2023.

Bankat shqiptare fituan 361 milionë euro neto vitin e kaluar

Ky përbën një rekord të ri absolut, teksa bankat kanë kapitalizuar nga ulja e shpejtë e interesave të depozitave që u paguajnë qytetarëve dhe rënia më graduale e interesave të kredive.

Sipas të dhënave, banka me fitimin më të lartë në shkallë kombëtare, rezultoi BKT. Banka me kapital turk fitoi mbi 87 milionë euro gjatë vitit të kaluar, ose 31 për qind më shumë se një vit më parë.

Raiffeisen me 75 milionë euro dhe OTP Bank me 50 milionë euro u renditën respektivisht në vendin e dytë dhe të tretë të bankave me fitimin më të lartë në Shqipëri. Ndërsa Intesa dhe ABI Bank regjistruan përkatësisht 31 dhe 30 milionë euro fitime.

Pas krizës së pandemisë, bankat janë duke përjetuar një periudhë të artë në termat e fitimeve. Në tre vitet e fundit bankat shqiptare kanë fituar gati 900 milionë euro neto të marra së bashku, ku pjesa më e madhe i ka shkuar gjithmonë Bankës Kombëtare Tregtare. /CNA





Lajmet e fundit nga