web counter
LEXO PA REKLAMA!

SHKARKO APP

App Store
Google Play

E fundit!

x

Raporti i FMN-së/ Tabaku: Ekonomia shqiptare po i rëndon xhepit të familjeve

28 Janar 2025, 13:26, Ekonomi CNA

Raporti i FMN-së/ Tabaku: Ekonomia shqiptare po i rëndon xhepit

Deputetja e PD-së, Jorida Tabaku, ka reaguar pas publikimit të raportit të FMN-së për Shqipërinë.

Sipas Tabakut, ekonomia shqiptare është në krizë.

Tabaku thotë se çmimet në rritje, pagat në vendnumëro, ushqimet, energjia dhe qiratë po bëhen gjithnjë e më të papërballueshme, ndërsa rrogat dhe pensionet mbeten të ulëta.

Ajo thekson se mbështetja për oligarkët po dëmton bizneset e ndershme dhe familjet e zakonshme.

“Ekonomia shqiptare po i rëndon xhepit të familjeve! Në raportin e saj të fundit, FMN ka konfirmuar atë që çdo familje shqiptare ndjen çdo ditë: ekonomia jonë është në krizë.

Çmimet në rritje, pagat në vendnumëro – Ushqimet, energjia dhe qiratë po bëhen gjithnjë e më të papërballueshme, ndërsa rrogat dhe pensionet mbeten të ulëta.

Sistemi i kapur që i shërben të fortëve – Përjashtimet tatimore dhe mbështetja për oligarkët dëmtojnë bizneset e ndershme dhe familjet e zakonshme.

Mungesa e mundësive për të rinjtë – Të rinjtë tanë po largohen, sepse këtu nuk shohin asnjë mundësi të ndershme për të ndërtuar një të ardhme.

Çfarë mund të ndryshojmë? Taksat e ulëta, të ndershme dhe të drejta për bizneset e vogla dhe të mesme që mbajnë familjet shqiptare. Ndihmë për të përballuar jetesën – pensione më të larta dhe mbështetje për familjet me të ardhura të ulëta. Reforma për një sistem ekonomik të drejtë, ku jo vetëm të pasurit dhe të privilegjuarit përfitojnë.

Shqipëria ka nevojë për një plan emergjence ekonomike! Është koha që ekonomia të shërbejë për qytetarët, jo për të pasuruar më tej një grusht njerëzish", shkruan Tabaku./ CNA





Lajmet e fundit nga