web counter
LEXO PA REKLAMA!

SHKARKO APP

App Store
Google Play

E fundit!

x

Ankimohet tenderi 18 milionë euro për institucionin e rehabilitimit të të miturve

7 Dhjetor 2023, 14:18, Ekonomi CNA

Ankimohet tenderi 18 milionë euro për institucionin e rehabilitimit

Procedura për ndërtimin e një institucioni për edukimin dhe rehabilitimin e të miturve me një fond limit prej 1.94 miliardë lekësh apo rreth 18 milionë euro i Ministrisë së Drejtësisë ka përfunduar në Komisionin e Prokurimit Publik.

Duket se një nga subjektet pjesëmarrëse në garë nga katër në total nuk ka qenë dakord me vlerësimin e bërë nga Komisioni i Vlerësimit të Ofertave duke kërkuar që të rishikohet kjo pikë.

Ankimimi i hedhur në sistem në datë 6 dhjetor përcakton se pikërisht vlerësimi është faza e mosdakordësisë teksa ministria më herët në datë 24 nëntor ka njoftuar në faqen e Agjencisë së Prokurimit Publik për shpalljen e ofertës fituese. Sipas të dhënave të publikuara në këtë njoftim kompania fituese ka dhënë një ofertë prej 1.75 miliardë lekësh teksa ankimuesi 1.88 miliardë lekë.

“Informojmë BOE “4 A-M” shpk dhe “ED KONSTRUKSION” sh.p.k. me adresë rruga “Artan Lenja” Pallati i 4 A-M, Apartamenti A 1, kati i i-rë, Tiranë, se oferta e paraqitur me vlerë totale prej 1,751,539,696 (një miliard e shtatëqind e pesëdhjetë e një milion e pesëqind e tridhjetë e nëntë mijë e gjashtëqind e nëntëdhjetë e gjashtë) lekë pa TVSH është identifikuar si fitues (paraprak) i procedurës së prokurimit”, thuhet në njoftimin e ministrisë teksa ankimuesi është bashkimi i kompanive RAFIN sh.p.k., UDHA dhe NDREGJONI.

Projekti për institucionin

Në relacionin arkitektonik të ministrisë jepen detaje mbi këtë projekt. Sipas tij prona ndodhet pranë aksit rrugor Tiranë – Qendra administrative Kashar (rreth 7 km larg qendrës së Tiranës), në afërsi të zonave të banuara. Rruga hyrëse për në pronë është e paasfaltuar dhe konstatohen dëmtime të shtresave rrugore ekzistuese, ka një largësi prej 150 ml nga rruga e asfaltuar e zonës së banuar.

Aktualisht në këtë pronë ndodhen disa godina të ish-repartit ushtarak, por të cilat vlerësohen shumë të amortizuara dhe të papërshtatshme për rindërtimin e tyre në funksion të Institucionit të kufizimit të lirisë për të mitur.

“Programi i organizon funksionet në mënyrë që instituti të funksionojë si një kompleks i shpërndarë me hapësira rekreative. Kompleksi përbëhet nga modulet e fjetjes, për kategoritë: femra, meshkuj, të dënuar me regjim të mbyllur, 18-21-vjeçar, nga administrata në hyrje të kompleksit, e cila përfshin zyrat e nevojshme si dhe sallat e mbledhjes apo të gjyqit. Gjithashtu objekt që përfshihet në institute është qendra polifunksionale me ambientet sportive të mbyllura, mensa, qendra shëndetësore, biblioteka dhe hapësira takimi me prindërit”, thuhet në relacion./Monitor





Lajmet e fundit nga