E fundit!

14:34 Aktualitet

Kërcënim për sigurinë kombëtare/ Ikballe Berisha shpallet “non grata” në Shqipëri

Ministri i Brendshëm Besfort Lamallari ka nxjerrë urdhrin ...

500 mijë lekë pagesa cash për individët/ Shoqata e Bankave rrëzon kufirin e qeverisë

25 Nëntor 2025, 13:28, Ekonomi CNA

500 mijë lekë pagesa cash për individët/ Shoqata e Bankave

Shoqata Shqiptare e Bankave ka kundërshtuar propozimin e qeverisë për vendosjen e një limiti prej 500 mijë lekësh për pagesat me para cash nga individët. Gjatë dëgjesës në Komisionin Parlamentar për Ekonominë, Punësimin dhe Financat, sekretari i përgjithshëm i Shoqatës, Spiro Brumbulli, e vlerësoi parimisht nismën, por theksoi se kufiri i propozuar është shumë i lartë dhe nuk ndihmon në luftën kundër informalitetit.

Brumbulli përshëndeti uljen e kufirit të pagesave në cash për bizneset nga 150 mijë lekë në 100 mijë lekë, duke e cilësuar si një hap drejt formalizimit të ekonomisë.

Por sipas tij, vendosja e një tavani prej 500 mijë lekësh për individët bie ndesh me realitetin ekonomik dhe me praktikat e vendeve të rajonit.

“Greqia dhe Maqedonia e Veriut kanë një limit rreth 500 euro, i njëjtë si për bizneset ashtu edhe për individët. Çfarë kuptimi ka që te ne individi të ketë kufi 500 mijë lekë, kur paga mesatare është vetëm 90 mijë lekë, ndërsa biznesi kufizohet me 100 mijë lekë?”, u shpreh Brumbulli.

Ai propozoi që kufiri për pagesat cash të jetë 50–60 mijë lekë, duke argumentuar se vetëm kështu masa do të ndikojë realisht në reduktimin e parasë cash dhe në kufizimin e informalitetit.

“Nuk jemi as Gjermani, as Holandë, që kanë shkallë shumë të ulët informaliteti. Kjo masë me 500 mijë lekë nuk përputhet me përpjekjet që po bëjmë për të frenuar paranë cash në ekonomi,” tha ai./ CNA