web counter
LEXO PA REKLAMA!

SHKARKO APP

App Store
Google Play

E fundit!

x

4 A-M dhe bashkimi Inc spa-Elmazaj fitojnë dy tenderat 60 milionë euro të Bypass-it të Tiranës

7 Gusht 2025, 18:56, Ekonomi CNA

4 A-M dhe bashkimi Inc spa-Elmazaj fitojnë dy tenderat 60 milionë euro

Një bashkim mes Elmazaj Construction dhe italianes Inc spa është shpallur fitues në garën e fortë për lotin e dytë të të nyjes Kashar-Vaqarr. Në tenderin me fond limit 28 milionë euro u paraqitën plot 13 oferta me pjesëmarrjen e pothuajse të gjithë peshave të rënda të ndërtimit në Shqipëri.

Por Autoriteti Rrugor Shqiptar ka vendosur të shpallë fituese ofertën e Inc spa dhe Elmazaj, të cilat ofruan çmimin 23.5 milionë euro, ose 4.5 milionë euro më pak se fondi limit. Në fakt, në garë u paraqit edhe një ofertë më e ulëta se siç ishte ajo e Gjikurisë me 20.5 milionë euro, apo Alko Impex, por ato u skualifikuan me motivin se nuk plotësonin kriteret.

Ndërsa në lotin e parë fitues, i cili ishte edhe më i madh në vlerë, fitues është shpallur kompania 4 A-M. Për lotin e parë fondi limit ishte përcaktuar 3.3 miliardë lekë ose 34 milionë euro.

Ndërtimi i segmentit rrugor nga Kashari në Vaqarr është investimi më i madh publik, i hapur rishtaz këtë vit. Projekti i përfshirë në buxhetin e vitit 2025 ka një kosto prej rreth 73 milionë euro duke përfshirë dhe Tatimin mbi Vlerën e Shtuar.

Ky segment është pjesë e Bypass-it të Tiranës dhe lidh drejtpërdrejt autostradën Tiranë - Durrës me atë Tiranë-Elbasan, duke shmangur hyrjen në kryeqytet.

Me një gjatësi prej 21.6 kilometrash, rruga Kashar-Vaqarr do të përshkojë pjesën jugore, jugperëndimore dhe perëndimore të Tiranës, duke filluar pranë Qendrës Tregtare City Park në Kashar dhe duke përfunduar në Mullet, në kryqëzim me autostradën Tiranë–Elbasan. Traseja do të ketë dy korsi në secilën drejtim, një gjerësi prej 10.5 metrash dhe do të lejojë shpejtësi deri në 120 km/h.

Rruga do të kalojë në një terren fushor dhe kodrinor, duke përfshirë ndërhyrje të thella teknike si ura të dyfishta mbi lumin Erzen, ndërtim të një tuneli të ri në Rrogozhinë, dhe vendosjen e tre nyjeve kryqëzimi. Një nga to është me rrugën ekzistuese Tiranë–Durrës (Plepa), ku parashikohet një nyje hyrëse-dalëse për zonat përreth. Dy të tjerat lidhen me autostradën Kashar-Rrogozhinë dhe autostradën Tiranë-Elbasan.

Gjurma e rrugës përshkon zona bujqësore, përfshirë fshatrat Allgjatë, Picallë dhe Stërmas. Bypass-i i Tiranës konsiderohet si një ndër projektet më strategjike për përmirësimin e qarkullimit ndërqytetas në vend./Kapitali.al





Lajmet e fundit nga