E fundit!

11:11 Kosova & Bota

Tërmeti i fuqishëm godet Greqinë

Një tërmet i fuqishëm me magnitudë 5.1 ballë të shkallës R...

Zyrtari në Tropojë naftën e institucionit e hedh në makinën e tij!/ Urdhëron shoferin të firmosë në kundërshtim me ligjin

22 Dhjetor 2022, 22:02, Denoncim CNA

Zyrtari në Tropojë naftën e institucionit e hedh në

Shoferi i Njësisë Vendore të Kujdesit Shëndetësor Tropojë, Murat Gjongecaj, ankohet në emisionin "Fiks Fare", se drejtori i këtij institucioni ka shkelur ligjin duke mos i kaluar shpërblimin e COVID-it si staf mbështetës.

Ai tregon se gjithë periudhën e pandemisë ka qenë në punë në terren me grupet e epidemiologëve dhe ka çuar tampona në ISHP.

Ai tregon se gjithë kolegët e tjerë në NJVKSH të rretheve të tjera e kanë marrë këtë shpërblim.

“Që në këtë moment kanë nisur edhe përplasjet me drejtorin, i cili më kërkon që të firmosë sikur kam marrë naftë ndërkohë që drejtori e merr dhe e hedh në makinën e tij personale. Unë s’mund të shkoj në burg për drejtorin”, thotë shoferi.

“Ai e merr naftën vetë, ta firmosi vetë”, tregon Murati. Shoferi pohon se nuk ka marrë naftë dhe nuk ka lëvizur me makinë, naftën e ka marrë drejtori në makinën e tij personale, ndërkohë që i kërkon shoferit që faturat dhe fletë autorizimet t'i firmosë. Murati tregon se kur ka refuzuar të firmosë drejtori e ka fyer në zyrat e shtetit.

Zyrtari në Tropojë naftën e institucionit e hedh në

"Fiksi" trasmetoi audio në të cilat drejtori Avni Boshnjaku i pranon shoferit se Njësitë Vendore të Kujdesit Shëndetësor të tjera jua kanë dhënë shpërblimin shoferëve, por që ai e ka konceptuar të mos ia japë shoferit. Madje ai thotë “unë Kukësin dhe Hasin nuk i pyes përse e kanë dhënë, sepse në këto zona Tropoja vetëm ka marrë qen, por kurrë mend”.

Por fyerjet e drejtorit nuk mjaftojnë, kur shoferi refuzon të firmosë naftën që në fakt nuk e ka marrë, ai e quan, të pashkolluar, fshatar dhe të paedukuar.

Nuk harron t’i kujtojë se edhe ai e ka ndihmuar shoferin më shumë se këdo në institucion, madje edhe duke shkelur ligjin.

Zyrtari në Tropojë naftën e institucionit e hedh në

"Fiksi" solli video të furnizimit të makinës personale të drejtorit, ndërkohë fatura del në emër të DSHP Tropojë. Dhe me targën e makinës së institucionit. Drejtori e urdhëron shoferin të firmosë në kundërshtim me ligjin, dhe i thotë se është ai titullar i institucionit dhe askush nuk duhet ta kundërshtojë.

Gazetarët e "Fiksit" shkojnë në Njësinë Vendore të Kujdesit Shëndetësor Tropojë, i cili në një telefonatë me gazetaren e orientoi këtë të fundit të shkonte të merrte përgjigje te zyra e financës, sipas tij edhe nafta është e dokumentuar.

Por ky fakt u hodh poshtë nga shefja e financës e cila pohoi se ka autorizime nafte të pafirmosura nga shoferi dhe se drejtori që hedh naftën në makinë e tij ka shkelur ligjin./ tch

Zyrtari në Tropojë naftën e institucionit e hedh në