web counter
LEXO PA REKLAMA!

SHKARKO APP

App Store
Google Play

E fundit!

x

Të moshuarit i bllokohet pensioni pa arsye/ Sigurimet Shoqërore: Po verifikohet në Arkivin Qëndror

14 Dhjetor 2022, 21:56, Denoncim CNA

Të moshuarit i bllokohet pensioni pa arsye/ Sigurimet Shoqërore: Po

Emisioni investigativ “Stop” ka udhëtuar drejt Shkodrës për rastin e të moshuarit Ali Syla.

Ai ka dalë në pension si një ish-ushtarak dhe deri në Nëntor 2022, e ka marrë pensionin në rregull. Kur ka tërhequr pensionin e fundit ka marrë vetëm shumën suplementare pa pensionin e pleqerisë dhe kompensimin e energjisë. Pasi nuk ka marrë përgjigje askund i është drejtuar redaksisë së emisionit investigativ “Stop”.

Denoncuesi: Jam ish-ushtarak që kam përfituar pensionin e pleqërisë dhe pensionin suplementar si ushtarak. Pensioni në 2019-ën më ka dalë rreth 40 mijë e sa lekë të reja. Në vazhdim rritjet kanë vazhduar gradualisht. Ndërsa këto 2 muajt e fundit mora muajin Nëntor të këtij viti dhe mora 47 mijë e 499 lekë, kurse në Dhjetor 2022 marr vetëm pensionin suplementar si ish-ushtarak, 13 mijë e 899 lekë.

Nga Agjensia e Sigurimeve të Pukës i kanë thënë se kanë urdhër nga lart. Për të kuptuar se kush është “urdhri nga lart”, “Stop” ka marrë në telfon personin përgjegjës nga agjensia e Sigurimeve të Pukës. Punonjësi i sigurimeve thotë se pensioni i Sylës është në verifikim nga Arkivi Qendror për pagën e ushtarakut.

Punonjësi e Agjensisë së Sigurimeve të Pukës: Po, ia kam shpjeguar Alisë. Rrinte në Shkodër, mos gabohem. Edhe ishte në verifikim nga Drejtoria e Arkivit Qendror për pagat.

Pas interesimit të “Stop”, Ali Syla telefonohet për t’i komunikuar, se pensioni është gati për t’u tërhequr në postë.

Punonjësi: Ali Syla e ka pensionin gati në postë! E ka në postë. Mund të shkojë ta tërheqë, kur të dojë tani!/tvklan.al





Lajmet e fundit nga