web counter
LEXO PA REKLAMA!

SHKARKO APP

App Store
Google Play

E fundit!

x

“Jam në proces certifikimi”/ Emërimi pa kriter i drejtorit të auditit Elbasan

21 Dhjetor 2022, 22:19, Denoncim CNA

“Jam në proces certifikimi”/ Emërimi pa kriter i drejtorit

Profesioni i audituesit është mjaft i rëndësishëm, pasi ka të bëjë me kontrollin, pasqyrimin dhe vlerësimin për të gjitha fushat. Sipas urdhrit të Ministrisë së Financave dhe Ekonomisë, kandidati për auditues duhet të ketë arsim në shkenca ekonomike ose juridike dhe të ketë 3 vite eksperiencë në këtë profesion. 

Në listën e publikuar nga Ministria e Financave, rezulton dhe Behar Tashi. Tashi është ish-kryetar i Komunës Tregan dhe ish-përgjegjës i zyrës së Gjendjes Civile Elbasan, por asnjë nga këto përvoja pune nuk ka të bëjë me auditimin. Ndërkohë Behari është emëruar drejtor i auditit të brendshëm në bashkinë e Elbasanit. Emisioni “Stop” në "Tv Klan" u takua me këtë të fundit, i cili thotë, se ka përvojë pune në fusha të tjera. Lidhur me Urdhrin e Ministrisë së Financave, Behar Tashi tregon, se është në proces certifikimi.

“Jam në proces certifikimi”/ Emërimi pa kriter i drejtorit

Gazetarja: Ju jeni Behar Tashi apo jo? Drejtues i auditit të brendshëm.

Gazetarja: Një pyetje kam, ku keni punuar më parë?

Behar Tashi: Kam nisur kryetar komune, drejtor i gjendjes civile, përgjegjës sektori në një vend tjetër, tani jamkëtu.

Gazetarja: Kriteret që ju duhet të plotësoni si drejtues i auditit të brendshëm cilat janë?

Gazetarja: Cilat janë? Sipas urdhrit 191 të datës 19 Korrik 2022, cilat janë kriteret?

Gazetarja: Ligji kërkon që ju duhet, minimumi, 3-5  vjet të keni një eksperiencë në audit. Keni?

Behar Tashi: Jo, nuk e kam. Jemi në proces certifikimi.

Gazetarja: Pra, ju jeni drejtor, keni  pozicion drejtori dhe jeni në proces certifikimi?

Gazetarja: Po si qenka e ligjshme kur vetë urdhri ta thotë që duhet të kesh eksperiencë? Çfarë bëni ju si auditues i brendshëm për  të gjithë ata që nuk e dinë?

Behar Tashi: Audituesi i brendshëm kontrollon, drejtori organizon punën e punonjësit, anën procedurale ligjore, programet etj.

Gazetarja: Kam një pyetje se kam disa ditë që vij këtu dhe nuk ju kam gjetur asnjëherë. Ju kam pritur dhe vini vetëm një orë në mëngjes. Si funksionon apo jeni në terren?

Behar Tashi: Ne jemi në terren sepse jemi duke mbledhur dokumentacionet e drejtorive të ndryshme lidhur me përmbylljen e vitit.

Ndërkohë edhe 4 nga 5 specialistët që Behar Tashi drejton janë në proces certifikimi. Emisioni “Stop”  bisedoi edhe me kryetarin e bashkisë Elbasan, Gledian Llatja, dhe ai shprehet se Behari ka eksperienca të tjera pune dhe aktualisht është i komanduar në postin e drejtorit të auditit të brendshëm.

“Jam në proces certifikimi”/ Emërimi pa kriter i drejtorit

Gazetarja: Problemi kryesor është një emërim, që ju keni bërë. Drejtori i auditit të brendshëm. 

Gazetarja: Po, për Beharin. Behari nuk i përmbush kriteret, sepse sipas urdhrit të ministres së Financave, duhet të ketë eksperiencë pune 3 vjet si auditues dhe Behari nuk i ka. 

Kryetari: Ka eksperiencë pune të tjera. Behari ka qenë drejtor i Gjendjes Civile. 

Gazetarja: Ka qenë administrator në komunën Tregan. 

Kryetari: Ka qenë kryetar. Domethënë është zgjedh kryetar. I njeh strukturat të gjitha edhe pjesën administrative dhe funksionimin. 

Gazetarja: Por është kriter. 

Kryetari: Kriteri është për procesin e certifikimit. 

Gazetarja: Dhe ai është në proces certifikimi. Ndërkohë që është drejtor aktualisht, apo jo dhe ka ndër varësi specialistë, ku vetëm njëra prej tyre është e certifikuar. 

Kryetari: Janë në proces, sipas ligjit. 

Gazetarja: Duhet të jetë drejtor, kur nuk është certifikuar dhe nuk përmbush kriteret? 

Kryetari: Normalisht ai ka një eksperiencë dhe një proces, që është marrë. 

Gazetarja: Po njoftimi për vendin vakant është shpallur më përpara? 

Kryetari: Është bërë me komandim. Nuk është drejtor, është i komanduar./tvklan.al





Lajmet e fundit nga