web counter
LEXO PA REKLAMA!

SHKARKO APP

App Store
Google Play

E fundit!

x

Skandali/ Salillari grabit truallin me bekimin e Veliajt, rrezikohen banorët

26 Nëntor 2024, 11:44, Denoncim CNA

Skandali/ Salillari grabit truallin me bekimin e Veliajt, rrezikohen

Drejtuesi politik i PD-së për Tiranën, Belind Këlliçi, ka ngritur një shqetësim që kanë banorët e zonës së Kopshtit Zoologjik.

Këlliçi ka publikuar një video dhe një denoncim të një banorë të zonës i cili tregon se me bekimin e Erion Veliajt, Pëllumb Salillari ka grabitur 1500 metra katrorë dhe po ndërton një pallat pa leje me 2.500 m2.

Ky është kthyer në një tmerr për banorët pasi rrezikon jetën e tyre, pasi Salillari ka ndërtuar pa leje mbi 2.500 m2, duke rrezikuar shembjen e pallatit ngjitur dhe banesave përrreth, pasi ka shkaktuar të çara në themele.

Sipas denoncuesit, ish ministri Bledi Çuçi tha në media se pallati do konfiskohet, punimet u pezulluan për disa kohë , por Salillari financoi fushatën e Erion Veliajt dhe pas zgjedhjeve të majit të viti kaluar punimet filluan përsëri.

Denoncuesi thekson se aktualisht Pëllumb Salillari po ndërton prapë pa leje këto ditë në një pallat ekzistues duke dëmtuar themelet e pallatit, si dhe duke grabitur sipërfaqe të përbashkëta të pallatit që u përkasin banorëve , po ngushton hyrjen e pallatit, ka bërë ndërhyrje të paligjshme në rrjetin elektrik, në themele etj.

Për këtë skandal, banorët kanë denoncuar pranë autoriteteve por kanë marrë si përgjigje vetëm heshtjen  e institucioneve.

Denoncimi i publikuar nga Belind Këlliçi

Denoncim i ardhur nga një banor i Tiranës në zonën pranë Kopshtit Zoologjik!

Përshëndetje z. Këlliçi!

Uroj të jeni mirë familjarisht.

Po ju dërgoj një informacion se çfarë po ndodh këtu te Kopshti Zoologjik.

Para rreth 4 vitesh te Kopshti Zoologjik u bë një investim mbi 8 milionë EURO nga Bashkia Tiranë, i cili u inaugurua me pompozitet nga Erion Veliaj.

Sot shihet qartë se ky investim ka rezultuar skandaloz, pasi është zhdukur bimësia, janë tharë të gjitha pemët gjigante dhe dekorative, si dhe gjelbërimi i dikurshëm që ka pasur Kopshti Zoologjik dhe në vend të tyre kanë mbetur drutë e thatë të rrethimit (pasi ata brenda kopshtit janë rrëzuar nga një erë e lehtë që zgjati rreth 10 minuta para ca ditësh).

Vizitorët e paktë që e vizitojnë, zhgënjehen duke ironizuar se Veliaj paska zëvendësuar drutë e njomë me dru të thatë.

Me rrethimin e ri të Kopshtit Zoologjik i vetmi përfitues është subjekti Salillari SH.P.K. e Pëllumb Salillarit, i cili ka përfituar (grabitur) mbi 1.500 m2 truall të Kopshtit Zoologjik, përpara pallatit pa leje (ku ka ndërtuar mbi 2.500 m2 pa leje).

Kjo grabitje është bërë në bashkëpunim me Erion Veliajn duke spostuar rrethimin përpara pallatit.

Kjo provohet lehtësisht po të krahasosh gjendjen e rrethimit sot, me hartën e vjetër të Kopshtit (rrethimin e vjetër).

Oligarku Salillari është bërë tmerr për të gjithë banorët dhe lagjen këtu ngjitur me Kopshtin Zoologjik sepse:

-Ka ndërtuar pa leje mbi 2.500 m2, duke rrezikuar shembjen e pallatit ngjitur dhe banesave përreth, pasi ka shkaktuar të çara në themele. Kjo u denoncua nga banorët, me pas ish-ministri Çuçi tha në media se pallati do të konfiskohet, punimet u pezulluan ca kohë, Salillari financoi fushatën e Erion Veliajt dhe pas zgjedhjeve të majit të vitit kaluar punimet filluan prapë.

-Aktualisht Pëllumb Salillari po ndërton prapë pa leje këto ditë në një pallat ekzistues duke dëmtuar themelet e krejt pallatit, si dhe duke grabitur sipërfaqe të përbashkëta të pallatit që u përkasin banorëve, po ngushton hyrjen e pallatit, ka bërë ndërhyrje të paligjshme në rrjetin elektrik, në themele etj.

Për të gjitha këto bëma të Salillarit, banorët janë ankuar vazhdimisht në institucionet përkatëse, por ato jo vetëm heshtin, por janë kthyer në mburojë të paligjshmërive të tij.

Kjo sepse Pëllumb Salillari ka mbështetjen e lali Erit të bashkisë. Vetë Pëllumbi shprehet se Veliajn e kam në xhep, e kam mik, i kam financuar fushatën, ai është e ardhmja e PS-së dhe nuk pyes për të tjerët.

Ne banoret e lagjes këtë e shohim çdo ditë, pasi policia bashkiake këtu është kthyer në polici private të Salillarit, duke qëndruar me turne jo vetëm për të garantuar paligjshmëritë e tij, por duke mbajtur hapur rrugën, që të mos pengohen makineritë e rënda të Salillarit.

Ju lutem denoncojeni këtë ‘sms’ dhe videot që po ju dërgoj.

Duke ju uruar suksese e mbarësi në angazhimin tuaj publik./ CNA

 





Lajmet e fundit nga