Foto fakt/ Si Edmond Spaho manipuloi Primaret në Maliq

4 Mars 2025, 17:18, Denoncim CNA

Partia Demokratike zhvilloi Primaret ditën e shtunë në të gjithë Shqipërinë. CNA raportoi për problematika dhe kryesisht në qarkun e Korçës, duke theksuar disa degë si Devolli, ku deputeti që kërkon mandatin e tretë del më i votuari në rang kombëtar, në Kolonjë ka më shumë votues se sa ka anëtarë dega dhe e treta dega e Maliqit.

Faktet/ Manipulim masiv i Primareve në Qarkun e Korçës
2 Mars, 18:33

Me sa duket pas publikimeve tona, Edmond Spaho, deputeti “20-vjeçar” i zonës së Maliqit është shqetësuar për këto Primare. Ai ka qëndruar për rreth katër javë, pasi nuk mund të ndodhte ndryshe.

Patjetër që do mandatin e tij të gjashtë, apo të shtatë apo dhe të tetë. Ka disa njerëz që lidhen me karrigen, por gjithsesi ne po i sjellim faktet.

Mjafton të shikoni këtë foto, janë kutitë e zgjedhjeve në Pustec, në Korçë dhe në Maliq. Ne kemi thënë që ka pasur manipulime në Maliq. Po, në Maliq ka pasur manipulime, siç e shikoni kutitë e Korçës dhe të Pustecit e kanë brenda procesverbalin, pra kutia e kartonit me materialet zgjedhore. Kurse kutia e Maliqit e ka jashtë, pra procesverbali i votimit është jashtë bashkë me materialet e tjera zgjedhore.

Së dyti, në degën e Maliqit vëzhguesit kanë shkuar rreth orës 10:00 dhe kanë gjetur një sasi të madhe votash në kuti, çka ka ngritur që në fillim dyshimet për manipulime. Më vonë, në mbyllje të procesit, Edmond Spaho ka përcjellë vëzhguesit e palëve duke u thënë se do ta çonte ai kutinë në Korçë, por në fakt megjithëse Maliqi është vetëm 10 minuta larg nga Korça, kutia e degës së Maliqit është çuar në Korçë në orën 21:00 në mbrëmje.

Gjatë ditës Edmond Spaho ka marrë njerëz në telefon, i ka çuar vetë për të votuar e kështu me radhë, siç kanë bërë dhe kandidatët e tjerë. Por dy janë detajet: procesverbali jashtë kutisë, i cili rrugës jo ka ndryshime, por me shumë gjasa është ndryshuar dhe mbushja e kutisë që në orët e para të mëngjesit, përpara se të vinin vëzhguesit.

Këto janë dy fakte. Në qoftë se zoti Spaho dhe strukturat e degës së Maliqit kanë ndonjë ankesë, mund të sjellim fakte dhe prova të tjera nga procesi i votimit në këtë degë./ CNA