Zbulohen të tjera fije/ Pse “kamikazi” i Veliajt, Ermir Beta në panik, u tërhoq nga vetingu

4 Mars 2025, 13:53, Denoncim CNA

Zbulohen të tjera fije/ Pse “kamikazi” i Veliajt, Ermir Beta

Erion Veliaj

Ermir Beta është avokati i studios ligjore të Arben Rakipit, një studio e denoncuar për lidhjet e drejtorit të Shkollës së Magjistraturës, Arben Rakipi, me kryebashkiakun e arrestuar për pastrim parash dhe korrupsion Erion Veliaj dhe bashkëshorten e tij Ajola Xoxa.

Ermir Beta është personi i cili mbron kryebashkiakun Erion Veliaj me skenarë politikë nëntokë.

Përgatitja e letrave për në ILD dhe KLP të bëra nga Ermir Beta dhe futja e linjave politike për t’i intimiduar anëtarët e KLP-së apo ILD-së me veprime për të goditur prokurorin Ols Dado, më shumë sesa lëvizjet e një avokati apo një studioje ligjore janë taktika që dikush mund t’i konsiderojë dhe veprime korruptive mafioze, kur politika i vërsulet sistemit të drejtësisë për të mbrojtur një të korruptuar, të akuzuar për pastrim të produkteve të veprës penale, korrupsion dhe fshehje pasurie.

Veliaj dhe të tijtë, në sulm ndaj Dados me ILD dhe KLP
3 Mars, 11:56

Sot do të sjellim një tjetër detaj në lidhje me Ermir Betën dhe se si në panik u tërhoq nga vetingu

Ermir Beta ka qenë në postin e prokurorit në Berat, por në vitin 2018 u tërhoq në kohë nga sistemi i drejtësisë duke i shpëtuar kështu sitës së vetingut.

Ai ishte emëruar prokuror në Prokurorinë e Rrethit Gjyqësor të Beratit, me dekret të Presidentit të datës 6 nëntor 2008. Asokohe raportohej se gjatë ushtrimit të detyrës së tij, z. Beta u gjet me shkelje dhe ndaj tij u mor edhe një masë ndëshkimore në vitin 2013.

Ai u akuzua se ka pasur kontakte me babin e një të arrestuari dhe ka dhënë udhëzime për çështjen që kishte në hetim. Kjo ngjarje ka lidhje me ish-shefin e Rendit të Kuçovës, Enton Softa, i cili u akuzua nga prokuroria në 2013 për afera korruptive në Prokurorinë e Beratit.

Frikë nga vettingu?/ Largohen nga drejtësia Gjyqtari i Vlorës dhe Prokurori i Beratit
11 Prill, 12:53

Ky i fundit dyshohej se në periudhën mars-prill 2013 i kishte kërkuar 800 mijë lekë të rinj babit të një arrestuari, duke i premtuar se do të ndërhynte te prokurori i çështjes, Ermir Beta, për t’i liruar të birin.

Ai u arrestua me 800 mijë lekë me vete, të cilat dyshohej se po i dorëzonte te vendimmarrësit e çështjes. P

as kësaj ngjarjeje, Prokuroria e Përgjithshme vendosi të merrte masë disiplinore ndaj Ermir Betës, duke e ulur në detyrë sepse kishte ndërhyrë në procesin e hetimit.

Pra, avokati i Veliajt duket se është tërhequr nga vetingu asokohe për të shpëtuar për shkak të dyshimeve si i përfshirë në afera korruptive./ CNA