E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Emigrantët financojnë Partinë LRE/ "Fiks Fare": Kryetari nuk bën transparencë mbi fondet!

27 Dhjetor 2022, 08:47, Denoncim CNA

Emigrantët financojnë Partinë LRE/ "Fiks Fare":

Foto ilustruese

Ish-anëtarët e Partisë Lëvizja e Re me kryetar Arian Galdinin u ankuan në emisionin "Fiks Fare" se kanë kontribuar për partinë dhe nuk dinë se ku kanë shkuar paratë e tyre, pasi në momentin që kanë kërkuar transparencë ata janë përjashtuar nga partia.

Disa prej personave që u ankuan në emisionin investigativ kanë qenë ish-kandidatë për deputetë të kësaj partie në disa qarqe të Shqipërisë, por që sot ankohen se kryetari nuk ka qenë transparent.

Aleks Marku është një prej atyre që ankohen, ai deklaron se i ka dorëzuar rreth 30 mijë paund Galdinit që të rregullojë zyrën përveç dërgesave fikse çdo muaj.

Ai thotë se nuk do që të mashtrohen dhe emigrantë të tjerë dhe t’i nisin para një mashtruesi që nuk përfaqëson asgjë.

Një tjetër ish-anëtar tregon për "Fiksin" se paguante bashkë me gruan çdo muaj kuotën, dhe kur kërkoi transparencë për këtë u përjashtuan të dy nga partia madje edhe duke u fyer nga kryetari.

Ata kërkojnë që "Fiksi" të ndjekë problemin e tyre, pasi disponojnë dhe një tjetër fakt për mashtrimet që kryetari u ka bërë, në një bisedë me nënkryetarin e partisë, kryetari Galdini kërkon të mos thuhet shifra reale se sa është qiraja mujore e zyrave, pasi në një grup për emigrantët e Anglisë është deklaruar 11 mijë euro, ndërkohë në bisedë me nënkryetarin thuhet se paguhet për zyrën 7 mijë euro.

Gazetarët e "Fiksit" u drejtuan në zyrat e kësaj partie dy herë. Herën e parë morën si përgjigje se kryetari nuk ndodhej aty dhe se do udhëtonte jashtë shtetit deri në 16 tetor.

Kështu gazetarët shkojnë përsëri në zyrë në 17 dhjetor, edhe në këtë datë gazetarët nuk u pritën. Ndaj në një telefonatë me Galdinin morën përgjigje se do përballeshin me proces gjyqësor nëse transmetohej rasti.

Përveç këtyre, Galdini nuk i përgjigjet "Fiksit", por zgjedh të bëjë statuse në "Facebook" duke e cilësuar emisionin "Fiks Fare" si Fiks Fare, si e si t’i dalë përpara ‘të keqes’./tch