E mashtroi me lazerin kinez të depilimit, inati ndaj denoncueses i kushton shitëses 15 mijë euro

23 Prill 2025, 22:34, Denoncim CNA

E mashtroi me lazerin kinez të depilimit, inati ndaj denoncueses i kushton

Matilda Rossier, një qytetare shqiptare e martuar në Zvicër, tregon për emisionin “Stop” në Tv Klan se atje ka një aktivitet që merret me kurimin estetik. Një ditë Matilda porositi në Tiranë te Rezarta Rasa, një pajisje depilimi me vlerë 17 mijë euro. Porosia nuk i shkoi izraelite siç e porositi, por kineze. Matilda e ktheu pajisjen dhe denoncoi Rezarta Rasën duke i hapur edhe proces civil për kthimin e shumës.

Denoncuesja fitoi të drejtën me vendim të formës së prerë dhe e delegoi në përmbarim.

Denoncuesja Matilda Rossier: Mirëdita!

Punonjësja: Si je?

Denoncuesja Matilda Rossier: Faleminderit! Doja të dija, është këtu Rezarta?

Punonjësja: Jo, nuk është këtu për momentin…

Denoncuesja Matilda Rossier: Kur vjen?

Punonjësja: Besoj, nga java tjetër.

Denoncuesja Matilda Rossier: Ok! A mund të më japësh një numër kontakti të lutem? Mund ta njoftosh, t’i thuash, që ka ardhur Matilda?

Punonjësja: Matilda, po çfarë t’i them?

Denoncuesja Matilda Rossier: Po doja ta takoja ngaqë kam ardhur nga jashtë dhe do doja ta takoja.

Punonjësja: Po jo, nuk është këtu, është jashtë shtetit. Nga java tjetër mund të vijë.

Denoncuesja Matilda Rossier: Ok! Po a ke ndonjë numër ndonjë gjë…?

Punonjësja: Ja po e marr…Matilda kush?

Denoncuesja Matilda Rossier: Rossier, e di ajo, ajo, që jeton në Zvicër, thuaj.

Punojësja flet në telefon me pronaren, Rezarta Rasën.

Punonjësja: Shefe, ka ardhur Matilda Rossier, e di ti më thotë, dua ta takoj Rezin, thotë. Po pra…, ja foli pak të lutem!

Denoncuesja Matilda Rossier: Alo! Si je? Mirë,mirë…Mirë! Erdha në Shqipëri dje dhe do doja të të takoja pak, në lidhje me ato gjërat tona. Ku, jashtë je? A je në Itali…?

Rezarta ndryshoi emrin dhe pronarin e aktivitetit duke e kaluar formalisht tek i ati në mënyrë që përmbaruesi të mos merrte dot 17 mijë eurot që i detyrohej Matildës.

Denoncuesja Matilda Rossier: Është, është, Rezarta pronare këtu, apo jo?

Punonjësja: Po, ajo është, me atë fole në telefon…

Rezarta ia pohon këtë Matildës edhe në një biseedë telefonike.

Denoncuesja Matilda Rossier: Unë isha tek dyqani jot edhe…më tha ajo, që je në Itali…

Rezarta Rasa: S’është më i imi dyqani Matilda. E kanë njerëz të tjerë tashi…

Denoncuesja Matilda Rossier: Po vajza më tha mua, që Rezarta është pronarja…

Në bisedën telefonike mes të dyjave, Rezarta i thotë denoncueses se është gati t’i japë vetëm 5 mijë euro, pasi 15 mijë euro i ka lënë nëpër gjyqe. Ajo pranon që e ka bërë mashtrimin, por thotë se këtë çështje e kapi me inat.

Rezarta Rasa: Ça u bë, edhe mua dëm i madh shumë m’u bë, jo i vogël, se sa kam lënë unë nëpër gjyqe, do t’i kisha shlyer ty 3-fish atë lazer, me thënë të drejtën…

Denoncuesja Matilda Rossier: Po unë ta kërkova të ta ktheja lazerin mbrapsht. A ta kërkova?

Rezarta Rasa: E mora edhe unë me inat, po shlyerja që mund të të bëj unë nuk është më shumë se 5 mijë euro.

Denoncuesja Matilda Rossier: Po pjesa tjetër?

Rezarta Rasa: 5 mijë dhe unë ta garantoj, t’i jap tek noteri me të shkruar, nuk të jap fjalën, unë do të thoja një vit maksimumi, por unë mund t’i laj për 6 muaj, edhe për 7-të…,edhe për 4 muaj. E kupton? Ta bëj te noteri këtë gjë…,por më shumë se 5 mijë euro unë nuk kam mundësi të të jap sepse kam dhënë 15 për të mbylurl gjyqin…

Denoncuesja Matilda Rossier: Kujt i ke dhënë lekë për të mbyllur gjyqin kur ti ato lekë mund të m’i jepje mua dhe mund të rregulloheshim miqësisht…?

Rezarta Rasa: Epo pikërisht, siç e more ti me inat, e mora dhe unë o Matildë sepse mua pas dy vitesh më fshihet dëshmia e penalitetit si e dënuar, sepse unë nuk e kam dënim, shërbim prove është.., por unë s’kam pasur ndonjëherë probleme dhe ai shërbimi i provës, s’dua të më rrijë as një muaj, jo dy vjet…

Denoncuesja Matilda Rossier: Moj Rezarta! Ti atë borxh e ke gjithë jetës. E kupton?

Rezarta Rasa: Gjithë jetës?! Po jo moj se fshihet pas 10 vitesh borxhi.

Denoncuesja Matilda Rossier: Borxhi im në momentin që shkon në zyrën e përmbarimit, nuk të fshihet gjithë jetën…

Rezarta Rasa: Po le të rrijë gjithë jetën…!/ Tv Klan