LEXO PA REKLAMA!

SHKARKO APP

App Store
Google Play

Deklarata e avokatit/ Punonjësit e administratës duan të ikin, shefat i urdhërojnë të firmosin dokumente

5 Qershor 2023, 22:46, Denoncim CNA
Deklarata e avokatit/ Punonjësit e administratës duan të ikin,
Avokati Saimir Vishaj

Avokati Saimir Vishaj ka bërë një deklaratë të fortë, teksa ka folur për arrestimin e dy zyrtareve të ministrisë së Shëndetësisë.

Vishaj tha në një dalje televizive se shumë punonjës të administratës duan të largohen nga puna.

“Pas 14 majit shumë punonjës të administratës dhe punonjës të rëndësishëm nga Energjetika, Ekonomia, Ministria e Shëndetësisë, po më vijnë në zyrë, duan të shpëtojnë nga administrata”, u shpreh ai.

Sipas avokatit, punonjësit e administratës po urdhërohen nga shefat të firmosin dokumente dhe kanë frikë mos përfundojnë në SPAK.

“Frika e ndëshkimit ka trokitur. Ata kanë një problem, janë futur me vullnetin e lirë, dhe nuk po ikin dot. Një orë e më parë thonë na urdhërojnë shefat të firmosim dhe një ditë do jemi në SPAK. Me dhjetëra duan të shpëtojnë njëherë e mirë nga administratë sepse eprorët i detyrojnë duke i deleguar firmën, sipërfaqe toke, përshembull bregdeti, po nuk u delegua nga lart nuk vepron ai i Kadastrës nga poshtë. Duan njerëzit e administratës të shpëtojnë një orë e më parë nesër se janë të sigurt që do shkojnë nesër pas hekurave. Drejtuesit e tyre do thonë s’kisha dijeni, firmosi specialisti.  Kjo është formë e piramidës që është ngritur në Shqipëri”, theksoi Saimir Vishaj./ CNA.al

Lajmet e fundit nga