E fundit!

15:32 Politikë

Nesër mbahen zgjedhjet në Këshillin Kombëtar të PD-së/ Ja çfarë pritet nga gara

Këtë të mërkurë, Partia Demokratike do të mbledhë Këshilli...

Të gjitha gabimet e rënda të Evropës në lidhje me krizën midis Serbisë dhe Kosovës, me Moskën në sfond

3 Qershor 2023, 21:00, Blog Francesco De Palo

Të gjitha gabimet e rënda të Evropës në lidhje me

Etja për stabilitet dhe serioziteti i përleshjeve që po vazhdojnë prej kohësh, e bëjnë gjithçka shumë alarmante. Kështu thotë në një intervistë për Formiche.net analisti i Iai Matteo Bonomi në lidhje me përplasjet e fundit mes serbëve dhe kosovarëve, të cilat çuan në plagosjen e 30 anëtarëve të forcave të NATO-s për Kosovën (KFOR), përfshirë 14 ushtarë italianë. Në këtë pikë, Aleanca Atlantike ka vendosur të vendosë Forcat Rezervë Operacionale për Ballkanin Perëndimor.

A gaboi qeveria e Kosovës kur mbajti zgjedhjet lokale në veri pavarësisht bojktotit të serbëve?

Është e vështirë të përcaktohet saktësisht se cili ishte shkaku kryesor i këtyre tensioneve. Sigurisht që ka veprime dhe reagime nga të dyja palët. Dhe ajo që mund të shohim është një strategji tensioni që e karakterizon si Beogradin po ashtu edhe Prishtinën.

Nuk ka dyshime se ka pasur një sjellje të tepruar nga ana e Prishtinës, dhe mbi të gjitha dëshirën për të vendosur më forcë në zyra kryetarët e rinj të komunave. Përplasjet e fundit i përshtaten kuadrit të përgjithshëm, që është një situatë vazhdimisht e tensionuar dhe e pazgjidhur në veri të Kosovës.

Atje të dyja palët kanë vepruar dhe kanë nxjerrë përfitime politike, dhe tani po luajnë për të ngritur ose ulur nivelin e tensionit, natyrisht duke marrë parasysh skenarin aktual në Evropë. Etja për stabilitet dhe graviteti i përplasjeve që po ndodhin prej kohësh e bëjnë gjithçka shumë alarmante.

Cila mund të jetë kundërpërgjigja ambasadorëve të vendeve të Pesëshes?

Unë i jam referuar më herët përgjegjësisë së Kosovës dhe Serbisë. Por është e qartë se ka edhe një palë të tretë përgjegjëse: Bashkimin Evropian. Për momentin këto ngjarje, vënë në dukje mungesën e besueshmërisë së një strategjie afatgjatë ndaj rajonit.

Ne kemi parë se sa investime diplomatike ka pasur vitin e fundit, në përpjekje për ta çuar përpara këtë çështje dhe për ta zgjidhur atë. Nuk ka munguar angazhimi që çoi së fundmi në nënshkrimin e Marrëveshjes së Ohrit. Megjithatë, sot gjithçka është shndërruar në një rast për një përplasje të mëtejshme mes palëve dhe për rrjedhojë shfrytëzohet nga të dyja palët.

Sa ndikon në këto zhvillime situata e brendshme në Serbi?

Po, aktualisht kemi protestat e mëdha në rrugët e Beograd, të cilat nuk janë parë që nga vitet 2000. Por nga ana tjetër shoh edhe një kryeministër të Kosovës, që është ndoshta më demokrat se sa paraardhësit e tij, të cilët në një farë mënyre shënuan edhe një ndërprerje me politikat e kaluara, ku elitat kishin udhëhequr çlirimin e armatosur të vendit.

Njëkohësisht, Albin Kurti ka pasur gjithmonë një qëndrim shumë radikal në lidhje me mundësinë e negociatave me Beogradin. Prandaj ky skenar na nxit të theksojmë faktin se dy karrierat e 2 liderëve janë ndërtuar edhe mbi shfrytëzimin për qëllime të brendshme të kësaj çështje. Kjo e bën edhe më të ndërlikuar panoramën, edhe në dritën e një beteje tjetër të quajtur propagandë. Dhe sigurisht që Ballkani është në qendër të betejave dhe të narrativave të ndryshme.

Pikërisht në këtë pikë, Ministri i Jashtëm Kroseto tha se ka një vullnet politik të qartë për të rritur tensionin. A po i referohet Rusisë?

Unë nuk jam i sigurt se për çfarë e kishte fjalën. Por nuk ka asnjë dyshim se niveli i tensionit dhe nervozizmit në Evropë është shumë i lartë. Kjo gjë është reflektuar prej vitesh, drejtpërdrejt dhe tërthorazi në të gjitha situatat e pazgjidhura që kemi në Evropë.

Dhe sigurisht që ajo në Ballkanin Perëndimor është njëra prej tyre.

Prej vitesh ne e kemi gënjyer veten se duke mos e ndjekur në mënyrë serioze politikën e zgjerimit ndaj rajonit, mund të arrihen rezultate të mjaftueshme, por jo të mira. Ajo që ka ndryshuar me rikthimin e luftës në Evropë është një ndryshim rrënjësor i kësaj statuskuonje, që tregon se si këto situata të ekuilibrit të dukshëm janë plot gracka dhe kanë nevojë të gjejnë një zgjidhje strukturore./ “Formiche” - Përshtatur nga CNA.al