web counter
LEXO PA REKLAMA!

SHKARKO APP

App Store
Google Play

Zjarri në pallatin 12-katësh/ Miratohet ndihma financiare për familjet e prekura

22 Prill 2026, 18:10, Aktualitet CNA

Zjarri në pallatin 12-katësh/ Miratohet ndihma financiare për

Këshilli Bashkiak i Tiranës ka miratuar në mbledhjen e sotme dhënien e ndihmës financiare për familjet e prekura nga zjarri që përfshiu pallatin 12-katësh pranë “Farmacisë 10”. Sipas vendimit, 37 familjet e prekura do të marrin 40.000 lekë bonus qiraje, deri në momentin që do të kthehen në banesat e rikonstruktuara.

Përfituesit duhet të dorëzojnë pranë njësive administrative ku janë të regjistruar, dokument identifikimi, certifikatë familjare, dokumente pronësie mbi banesën e dëmtuar, si dhe një deklaratë për vërtetësinë e të dhënave.

Gjithashtu duhet të dorëzojnë një vërtetim nga Agjencia Shtetërore e Kadastrës që familjarët madhorë nuk zotërojnë banesë tjetër në të njëjtën njësi vendore.

Njësitë administrative do të duhet të verifikojnë dokumentacionin dhe të hartojnë listën e përfituesve, e cila më pas do t’i përcillet strukturave përkatëse për miratim dhe ekzekutim të pagesave.

Ndërkohë, Drejtoria e Përgjithshme e Mbrojtjes Civile dhe Shërbimeve ndaj Qytetarit do të raportojë çdo tre muaj pranë Këshillit Bashkiak për listën e përfituesve dhe ecurinë e zbatimit të këtij vendimi.

Kryeministri Edi Rama ka deklaruar para pak ditësh se banorët e prekur nga zjarri në banesat e tyre do të mbështeten me bonuse qiraje. Ndërkohë, pallati do të rindërtohet 100% nga vetë firma ndërtuese, siç është deklaruar nga vetë kompania “Arlis”. /CNA





Lajmet e fundit nga