web counter
LEXO PA REKLAMA!

SHKARKO APP

App Store
Google Play

E fundit!

x

"I vetmi vend në botë"/ Bozdo: Shqipëria i ndien pasojat e luftës, por nuk merr masa lehtësuese

22 Prill 2026, 15:52, Aktualitet CNA

"I vetmi vend në botë"/ Bozdo: Shqipëria i ndien

Deputeti i Partisë Demokratike, Enno Bozdo, ka folur ditën e sotme lidhur me situatën e shkaktuar nga rritja e çmimit të naftës.

Në një dalje televizive, Bozdo u shpreh se nuk ka asnjë vend në Europë apo në botë që nuk ka marrë masa lehtësuese përveç Shqipërisë.

Sipas tij, nga kjo krizë qeveria madje ka fituar, ndërsa shtoi se këto fitime duhet t’u ishin shpërndarë qytetarëve. Ai tha më tej se Shqipëria i ka zero rezervat e sigurisë së naftës.

“Sot nuk ka asnjë vend në Europë apo në botë që mos të ketë marrë një masë lehtësuese domethënëse, vetëm Shqipëria jo. Shqipëria i ndien pasojat e kësaj lufte, por jemi e vetmja qeveri në botë që ka fituar nga kriza, për shkak të shtrenjtimit të çmimeve bazë. Minimalisht kjo qeveri duhet t'u kishte kthyer mbrapsht qytetarëve atë që ka fituar në mënyrë të padrejtë. Ndërkohë rezervat e sigurisë së naftës është zero. Shqipëria nuk ka asnjë mekanizëm që nëse BE thotë se duhet të lironi rezervën e sigurisë ne nuk kemi asgjë për të liruar. Ky është një shtet që sa herë ndodh diçka, ngremë duart lart. Si me Covidin, edhe me tërmetin. Kjo sepse askush nuk do t'ia dijë për këtë. Agjencia Ndërkombëtare e Energjisë që koordinon dhe KE-në ka paralajmëruar të merren masa. Drejtori i agjencisë tha se edhe sikur lufta të mbarojë nesër do duhet 3-6 muaj që çmimet e naftës të stabilizohen”, u shpreh Bozdo.

Ndër të tjera deputeti ka folur edhe me protestën e opozitës, ku tha se shumë shpejt do të thirret dhe protesta e radhës. Lidhur me mënyrën se si do të zhvillohet, Bozdo tha se kjo do të vendoset nga demokratët.

“Unë personalisht mendoj që këmbëngulja ka shumë rëndësi në këto çaste që jemi. Duhet durim derisa t’ia dalim. Në protestën e 7-të u pa një dhunë ekstreme e Policisë ndaj protestuesve. U targetuan jo vetëm qytetarët por edhe deputetët e PD-së. Ne do të vazhdojmë, do të thërrasim protestën tjetër. Se si do të zhvillohet do ta vendosin demokratët”, tha deputeti. /CNA





Lajmet e fundit nga