E fundit!

10:08 Aktualitet

“Bashkitë në fazë të re zhvillimi”/ Demo: Duhet projekte cilësore për të përthithur fondet e BE

Ministri i Shtetit për Pushtetin Vendor, Ervin Demo, dekla...

Këlliçi denoncon një tjetër aferë: 118 milionë dollarë prokurim për projektin “Smart City”

21 Prill 2026, 20:20, Aktualitet CNA

Këlliçi denoncon një tjetër aferë: 118 milionë

Deputeti i PD-së Belind Këlliçi ka bërë një tjetër denoncim në fokus të të cilit është kreu i qeverisë Edi Rama dhe projekti “Smart City”.

Sipas deputetit, Rama ka takuar drejtuesin e kompanisë G42, Peng Xiao, të cilit i ka dhënë pa tender, pa garë, 118 milionë dollarë prokurim për projektin “Smart City”.

Këlliçi thekson se kjo është një aferë e debatueshme në shumë drejtime, së pari pasi sipas deputetit shuma fillestare për këtë projekt ishte parashikuar 60 milionë USD. Por më pas, papritur, ajo gati dyfishohet. I shtohen dhe 50 milionë euro.

Deputeti nënvizon se Ppër aferën e Smart City ka pasur dhe më parë denoncime ku është konstatuar se pajisjet që do të përdoren për mbulimin e vendit me kamera, janë caktuar si zëra, 3 deri në 4 herë më shtrenjtë se sa ato kushtojnë në treg.

Ai thotë se pjesa më e dyshimtë ka të bëjë me kompaninë që i është dhënë ky projekt dhe kjo prek sigurinë kombëtare.

Deputeti denoncon se G42 është me lidhje të forta me Kinën, për të cilën janë ngritur shqetësime dhe në Kongresin e Shteteve të Bashkuara dhe pikërisht këtij grupimi Edi Rama ka vendosur t’i japë të dhënat më sensitive, dhe elementin bazik të sigurisë kombëtarë, që është vëzhgimi me kamera në gjithë territorin.

“Edi Rama na tregon sërish me foto gjurmët e një skandali!

Gjatë një vizite në Abu Dabi, Edi Rama ka takuar drejtuesin e kompanisë G42, Peng Xiao, të cilit i ka dhënë pa tender, pa garë, 118 milionë dollarë prokurim për projektin Smart City.

Një aferë e debatueshme në shumë drejtime.

Së pari, shuma fillestare për këtë projekt ishte parashikuar 60 milionë USD. Por më pas, papritur, ajo gati dyfishohet. I shtohen dhe 50 milionë euro. Diku e kemi ndeshur më parë një histori të ngjashme?! Po, tek tuneli i llogarasë.

Edhe në atë rast, fotoja e Ramës më drejtuesit e kompanisë turke, i parapriu shtimit të 50 milionë euorve në kontratë. Para që avulluan dhe puna u krye me fondin e mëparshëm.

Për aferën e Smart City ka pasur dhe më parë denoncime. Eshtë konstatuar se paisjet që do të përdoren për mbulimin e vendit me kamera, janë caktuar si zëra, 3 deri në 4 herë më shtrenjtë se sa ato kushtojnë në treg.

Por pjesa më e dyshimtë ka të bëjë me kompaninë që i është dhënë ky projekt dhe kjo prek sigurinë kombëtare.

G42 është me lidhje të forta me Kinën, për të cilën janë ngritur shqetësime dhe në Kongresin e Shteteve të Bashkuara.

Dhe pikërisht këtij grupimi Edi Rama ka vendosur t’i japë të dhënat më sensitive, dhe elementin bazik të sigurisë kombëtarë, që është vëzhgimi me kamera në gjithë territorin.

Këto aventura të Edi Ramës që nisin me udhëtime e mbulohen me propagandë, në shumë raste kanë rezultuar ujdi financiare të dëmshme për vendin, të kryera sipas interesave e miqësive personale të kryeministrit, pa transparencë dhe në errësirë”, ka denoncuar Këlliçi./ CNA