E fundit!

18:21 Aktualitet

Çështja e aeroportit të Vlorës/ Pacolli: Për çdo dëm të shkaktuar do të kërkohet përgjegjësi ligjore

Biznesmeni Begjet Pacolli ka bërë një reagim në rrjetet so...

Presion ndaj gjyqtarit/ Katër faktet që nxjerrin blof mediat e Veliajt

21 Prill 2026, 16:52, Aktualitet CNA

Mediat shërbëtore të kryebashkiakut të arrestuar për 13 akuza për 5 vepra të rënda penale, Erion Veliaj, kanë nxjerrë një dokument me urdhër të avokatëve të tij në të cilin thuhet se kryebashkiaku i ka bërë një kërkesë Gjykatës Administrative që seanca e radhës të transmetohet live në media.

Në fakt, ky dokument ka disa probleme.

E para, është pa firmën e Erion Veliajt, e dyta është pa vulë, e treta është pa datë dhe e katërta ka të shënuar “Datë_.03.2026”.

Presion ndaj gjyqtarit/ Katër faktet që nxjerrin blof mediat e Veliajt

Detaji tjetër qëndron te fakti se kërkesën Erion Veliaj e ka paraqitur në seancën e parë në Gjykatën Administrative, por dokumenti është nxjerrë sot nga mediat sepse është së afërmi seanca e radhës.

Në seancën e parë Erion Veliaj e ka kërkuar seancën me dyer të hapura, por gjyqtari ia ka rrëzuar.

Tani atë kërkesë që Erion Veliaj e ka bërë në seancën e parë avokatët e tij nëpërmjet mediave të tij të paguara me paratë e inceneratorëve dhe të vëllait të Veliajt apo dosjes “5D” e kanë nxjerrë dhe e kanë publikuar.

Të njëjtin dokument që ai ka bërë kërkesë në seancën e parë gjyqësore.

Dokumenti i sotëm ka katër detaje të cilat tregojnë se është publikuar me qëllim dhe duket qartë se është një skenar i avokatit të pandehur të Erion Veliajt.

Qëllimi në këtë rast nuk mund të jetë gjë tjetër veçse presion apo shantazh ndaj gjyqtarit të çështjes sepse në seancën e parë kur e ka paraqitur Erion Veliaj ai e ka refuzuar transmetimin live dhe nuk është dhënë në media.

Të njëjtin standard kanë përdorur edhe gjykata të niveleve të tjera, të cilat kanë thënë se ka një vendim të KLGJ-së kur transmetohen ose jo live proceset gjyqësore.

Në rastin e Veliajt ai e ka kërkuar te Gjykata Administrative, por ajo e ka refuzuar.

Tani pas pak javësh nga seanca e parë, nxjerrin një dokument pa datë, pa firmë dhe pa vulë, por që kanë lënë muajin shënuar ku thuhet “Datë_.03.2026”.

Kjo kërkesë është bërë në seancën e parë dhe tani mediat e Veliajt po e nxjerrin si presion për seancën e dytë ose për të prodhuar lajme./ CNA