web counter
LEXO PA REKLAMA!

SHKARKO APP

App Store
Google Play

E fundit!

x

Protesta/ Kalaja: Jam goditur me skafandër në kokë, ai ishte momenti më i vështirë

20 Prill 2026, 19:17, Aktualitet CNA

Protesta/ Kalaja: Jam goditur me skafandër në kokë, ai ishte

Anëtari i Këshillit Kombëtar të PD-së, aktivisti Aulon Kalaja, ka folur pasditen e sotme lidhur me protestën e opozitës dhe lëndimin e tij.

Në një dalje televizive, Kalaja u shpreh se është goditur me skafandër në fytyrë dhe se i kanë hedhur spraj.

Ndër të tjera u shpreh se ndjenjat i ka humbur kur u godit në pjesën mbrapa të qafës sërish me skafandër dhe se kur u zgjua ka kuptuar se është në spitalin e Traumës.

Nga e gjithë kjo aktivisti cilësoi si të çuditshëm faktin që është kallëzuar nga policia për “goditje për shkak të detyrës”.

"Në ato momente jam munduar për me tërheq deputetin e Partisë Demokratike, Balliun me sa pashë unë po e godisnin. Kur në momentin që e tërhoqa, më kanë rënë me skafandër në fytyrë, më kanë hedhur spraj nga tre anët dhe kam ndjerë një shkelm në këmbën e djathtë. Kur kam kthyer kurrizin për t'u larguar jam goditur në pjesën e qafës mbrapa me skafandër.

Ai ka qenë momenti më i vështirë sepse u asfiksova dhe kam rënë në tokë. Kam qenë pa ndjenja. Nuk mbaja mend çfarë ndodhi. E kam ditur që jam te QSUT-ja, ndërkohë më vonë mora vesh që jam te Trauma.

Ajo që është më e çuditshmja tani është që unë kallëzohem penalisht nga policia që kam goditur për shkak të detyrës forcat e rendit. Nuk ka asnjë lloj mundësie, as në formimin tim si gazetar e aktivist, që unë të godas forcat e rendit. Ata janë të armatosur dhe kanë pajisjet e nevojshme", tha Kalaja. /CNA





Lajmet e fundit nga