web counter
LEXO PA REKLAMA!

SHKARKO APP

App Store
Google Play

Ku mund të punonte Erion Veliaj me diplomën që ka?

20 Prill 2026, 11:59, Aktualitet CNA

Ku mund të punonte Erion Veliaj me diplomën që ka?

Televizioni “Ora News” publikoi një lajm se kryebashkiaku Erion Veliaj, i cili ndodhet në burgun e Durrësit me 13 akuza të rënda penale, nuk kishte një diplomë Master, nuk kishte marrë titullin “Honoris Causa”, nga “Grand Valley State University” në Shtetet e Bashkuara të Amerikës, por thjesht dhe vetëm ai kishte qenë një student që kishte kryer një cikël Bachelor.

Po çfarë do të thotë kjo në administratën shqiptare? Pra, ta shohim se ku mund të punonte Erion Veliaj në administratën shtetërore në rast se do të kishte vetëm një diplomë Bachelor. Me ligjin shqiptar dhe me nivelet e pagave të përcaktuara nga qeveria, e cila jep sipas nivelit të pagës më pas edhe përshkrimin e vendit të punës dhe diplomën e arsimin që duhet të kesh, duke parë strukturën, me një Bachelor të thjeshtë pa Master, Erion Veliaj thjesht dhe vetëm mund të punonte me mik një magazinier ose një doganier. Pastaj ishte i korruptuar, ishte hajdut, s’ishte hajdut, është një gjë tjetër, cili është perceptimi i njerëzve për magazinierët apo për doganierët.

Në fakt, Erion Veliaj u bë kryetar bashkie, u bë dhe u zgjodh se e propozoi Partia Socialiste dhe gjithmonë ka pasur dyshime dhe debate për diplomën e tij. Kurrë nuk ka nxjerrë Master-at, diplomat dhe dokumentet që vërtetojnë shkollën. Politika dhe ligji kështu e kanë. Në qoftë se propozohesh mund të jesh me shkollë të mesme, me shkollë të lartë, pa diploma, me diploma dhe mund të zgjidhesh se është populli që të voton.

Në fakt, rasti i Veliajt është ai që na tregon se ligji duhet rregulluar. Nuk mund të lejohet një njeri, i cili mund të punojë magazinier apo doganier, të kandidojë për kryetar bashkie, sepse pastaj do të fillojë t'u japë mend të tjerëve, siç është rasti i kryebashkiakut të Tiranës që është bërë jurist, sportist, arkitekt, ndërtues, i di të gjitha, zhvillon qytetin. Ndërkohë që po të punonte në administratë ndoshta nuk do të ishte dot as një specialist.

Ndaj dhe ligji duhet ndryshuar dhe ky është rasti kur një person me diplomë Bachelor, siç pretendohet nga denoncimi i “Ora News”, bëhet kryetar bashkie, ndërsa në administratën e bashkisë ndoshta s'do të kishte filluar kurrë punë si vartës i kryetarit. Tani kryetari është me diplomë Bachelor dhe është i zgjedhur nga populli, kuptohet. Specialistët, shefat janë me Master-a, me shkolla shumë të mëdha dhe drejtohen nga dikush që është më pak i arsimuar se ata.

Ai mund të jetë politikan, por nuk është më i arsimuar dhe më i shkolluar se një pjesë e madhe e administratës. Ky ngërç duhet të zgjidhet. Nuk mundet një i paarsimuar në nivelin e duhur të udhëheqë më të arsimuarit, sepse pastaj “ngrihen këmbët dhe i bien kokës”./CNA

 





Lajmet e fundit nga