E fundit!

10:16 Politikë

Murrizi paralajmëron Berishën: Koha e këllirave duhet të marrë fund ose do fundoseni

Ish-deputeti i Partisë Demokratike, Myslim Murrizi, ka rea...

Ministri boshnjak, kritika Serbisë: Përderisa mbroni kriminelët e luftës, s’mund të ketë fqinjësi të mirë

19 Prill 2026, 14:28, Aktualitet CNA

Ministri boshnjak, kritika Serbisë: Përderisa mbroni kriminelët e

Ministri i Jashtëm i Bosnje-Hercegovinës, Elmedin Konakoviç, ka shprehur kritika për gjendjen aktuale të politikës në rajonin e Ballkanit.

Konakoviç është shprehur se historikisht Ballkani ka pasur “politikën më të dobët në botë”, ndërsa ka akuzuar presidentin e Serbisë, Aleksandar Vuçiç, se me deklaratat e tij për një aleancë Kosovë–Shqipëri–Kroaci po nxit tensione dhe “zhurmë për një luftë tjetër”. Sipas Konakoviçit, retorika e tillë ushqen narrativa të vjetra historike që nuk ndihmojnë stabilitetin rajonal.

Deklaratat e tij kanë sjellë reagimin e ministrit të Jashtëm të Serbisë, Marko Gjuriç, i cili ka mbrojtur qëndrimet e presidentit Vuçiç, duke theksuar se ai ka qenë gjithmonë i përkushtuar ndaj stabilitetit në Bosnje-Hercegovinë dhe në rajon.

Nga ana tjetër, Konakoviç ka reaguar duke thënë se nuk mund të ketë fqinjësi të mirë nëse, sipas tij, Serbia fsheh kriminelë lufte.

“Nuk mund të gënjejmë dhe të presim besim. Pas gjithçkaje që ka ndodhur gjatë luftës në Bosnje dhe Hercegovinë, që unë e quaj agresion, marrëdhëniet janë thellësisht të dëmtuara. Nëse fshihen apo lavdërohen kriminelët e luftës, nuk mund të flasim për fqinjësi të mirë”, deklaroi ai.

Në debat është përfshirë edhe Sekretari i Përgjithshëm i Këshillit për Bashkëpunim Rajonal, Amer Kapetanoviç, i cili ka theksuar se paqja nuk mund të ruhet vetëm përmes deklaratave politike.

Ai u shpreh se stabiliteti ndërtohet përmes bashkëpunimit ekonomik, lidhjeve infrastrukturore, institucioneve funksionale dhe dialogut të vazhdueshëm mes vendeve të rajonit, duke theksuar se bashkëpunimi rajonal ka ndikim të drejtpërdrejtë në jetën e qytetarëve. /CNA