web counter
LEXO PA REKLAMA!

SHKARKO APP

App Store
Google Play

E fundit!

x

Një delegacion i partisë "Fratelli d’Italia" viziton kampin e Gjadrit

20 Prill 2026, 16:26, Aktualitet CNA

Një delegacion i partisë "Fratelli d’Italia" viziton

Një delegacion i partisë “Fratelli d’Italia” (Vëllezërit e Italisë), ka mbërritur ditën e sotme në Qendrën e Qëndrimit për Riatdhesime në Gjadër të Lezhës. Sipas deputetes italiane, Sara Kelany, drejtuese e Departamentit të Imigracionit, vizita ka qëllim verifikimin e funksionimit të qendrave.

"Ne duam që, me fakte, të hedhim poshtë narrativën e shtrembëruar dhe shfrytëzuese se këto struktura nuk funksionojnë, ose më keq akoma, janë një humbje. Ky projekt po funksionon dhe, në të vërtetë, përfaqëson një model për të gjithë Evropën”, ishte shprehur Kelany një ditë më parë.

Pjesë e delegacionit janë edhe drejtues të Dhomës së Deputetëve dhe Senatit italian, si Galeazzo Bignami dhe Lucio Malan, si dhe figura të tjera drejtuese si Giovanni Donzelli dhe Marco Lisei.

Qeveria e Giorgia Melonit deklaroi vitin e kaluar se kampet në Gjadër dhe Shëngjin, do të përdoren për strehimin e atyre që u është refuzuar azili dhe që janë në pritje të riatdhesimit. Zbatimi i marrëveshjes Itali–Shqipëri për trajtimin e migrantëve të mbërritur në territorin italian, ka qenë shpeshherë arsye e debateve dhe betejave ligjore mes qeverisë italiane dhe gjyqësorit atje. /CNA





Lajmet e fundit nga