web counter
LEXO PA REKLAMA!

SHKARKO APP

App Store
Google Play

E fundit!

x

Meta nga burgu: Nuk kam lidhje me ligjin për minierat, hetimet janë të pabazuara

20 Prill 2026, 16:45, Aktualitet CNA

Meta nga burgu: Nuk kam lidhje me ligjin për minierat, hetimet janë

Kreu i Partisë së Lirisë, Ilir Meta, ka reaguar nga paraburgimi përmes një postimi në rrjetet sociale, duke iu përgjigjur akuzave që lidhen me ligjin për minierat.

Meta shprehet se procesi i hartimit dhe miratimit të këtij ligji është zhvilluar nga përfaqësues të mazhorancës, duke përmendur ish-ministrin Damian Gjiknuri dhe deputetë të Partisë Socialiste si pjesë të procedurës parlamentare.

Sipas tij, edhe amendamentet dhe shqyrtimi në komisione janë bërë nga të njëjtët përfaqësues politikë.

Ai thekson se, sipas dosjes së SPAK, propozimet për ndryshime në ligj janë paraqitur nga një deputete e PS-së, ndërsa debati final në Kuvend është shoqëruar nga ndërhyrje të kryeministrit Edi Rama.

Meta ngre gjithashtu pyetjen se çfarë lidhje mund të ketë kryetari i Kuvendit me një ligj të hartuar dhe votuar nga deputetët, duke e cilësuar hetimin ndaj tij si të pabazuar dhe të orientuar politikisht.

Sipas tij, ligji për minierat ka prekur qindra subjekte në vend dhe nuk ka asnjë lidhje me përgjegjësitë që i atribuohen atij në hetim.

"Episodi tjetër pse unë jam në paraburgim.

Është superfantastike, ligjin për minierat, e solli në Kuvend, Z. Gjiknuri, ministri i Edi Ramës dhe po kështu shqyrtimin e tij në komisionet parlamentare e drejtoi një “rilindas” tjetër.

Siç thotë vetë SPAK-u në akuzë, amendamentin për ndryshim e solli deputetja e PS-së, E. Shkjau.

Ndërsa fjalimin, plot me bekime, për ligjin e jashtëzakonshëm të minierave, që ndau dy epokat, e mbajti vetë Edi Rama.

Edhe më analfabeti në këtë vend, do i bënte pyetjen vetes: Po ç’lidhje ka me këtë ligj, Kryetari i Kuvendit që është 1 nga 140 deputetët?

A nuk e dinë “specialët” se ky ligj ka prekur në atë kohë të paktën 300 subjekte në fushën e minerave, të cilat sot, thuhet se janë mbi 600?

“Specialët” vazhdojnë me gërmime arkeologjike për të shpikur thashetheme, që nuk kanë asnjë lidhje me Ilir Metën, sepse për ligjet dhe vendimet që Edi Rama i bën me porosi, nuk kanë takat, jo t’i hetojnë por as t’i shikojnë", shkruan Meta./ CNA





Lajmet e fundit nga