web counter
LEXO PA REKLAMA!

SHKARKO APP

App Store
Google Play

"Nuk do të ndalemi"/ Boçi: Protestat do të zhvillohen edhe në forma të tjera

20 Prill 2026, 21:19, Aktualitet CNA

"Nuk do të ndalemi"/ Boçi: Protestat do të zhvillohen

Nënkryetari i PD-së, Luçiano Boçi ka folur mbrëmjen e sotme lidhur me protestën e të premtes dhe vijimin e aksionit opozitar.

Në një dalje televizive, Boçi u shpreh se protesta e fundit dëshmoi se njerëzit dhe opozita nuk do ta braktisin sheshin deri në arritjen e qëllimit final.

Ai tha se protestat nuk do të ndalen ndërsa dënoi dhunën e policisë ndaj protestuesve. Gjithashtu paralajmëroi se protestat do të zhvillohen edhe në forma të tjera, të cilat Grupi Parlamentar i PD-së i ka mbështetur për t'u realizuar.

“Protesta dëshmoi që njerëzit janë aty dhe nuk e lënë sheshin dhe menaxhojnë zemërimin e tyre që lidhet me qëllimin që ka protesta. U provua që nuk ka tërheqje as nga PD as nga njerëzit. Nuk ka pajtim me të keqen dhe korrupsionin. Do vazhdojnë sepse kjo është luftë dhe është betejë. Gjithë ajo dhunë që u realizua në protestë dëshmon se janë në limitet e ruajtjes së qetësisë nervore. Kjo tregon që publiku betejën e rezistencës dhe nervave të qeta e ka fituar. PD do të vazhdojë deri në arritjen e qëllimit. Ka dhe forma dhe mënyra tjera të realizimit të protestës, forma që janë kërkuar dhe që Grupi Parlamentar i PD-së ka treguar gatishmëri për këto forma. Ne analizojmë dhe pjesëmarrjen. Protesta ka shpirtin, pjesëmarrjen dhe mesazhet. Pjesëmarrja qëndron gjithsesi te mijërat. Shtatë protesta normalisht nuk është e lehtë t'i menaxhosh. Dhna nuk ndodhi vetëm në protestën e fundit. Dhuna vjen nga nervozizmi”, u shpreh Boçi. /CNA





Lajmet e fundit nga