web counter
LEXO PA REKLAMA!

SHKARKO APP

App Store
Google Play

E fundit!

x

E vërteta e diplomave të Erion Veliajt

22 Prill 2026, 09:20, Aktualitet CNA

Një lajm i publikuar nga televizioni “Ora News” theksonte se kryebashkiaku i Tiranës, Erion Veliaj, i cili ndodhet prej më shumë se një viti në burgun e Durrësit me 13 akuza të rënda për 5 vepra penale, kishte përfunduar vetëm ciklin e studimeve ‘Bachelor’.

Veliaj, sipas publikimit, nuk kishte një diplomë të ciklit ‘Master’, por kishte marrë titullin “Honoris Causa”, nga Grand Valley State University në Shtetet e Bashkuara të Amerikës.

E vërteta e diplomave të Erion Veliajt
Diploma e studimeve Bachelor e Veliajt

Por cila është e vërteta lidhur me arsimimin e Veliajt?

Përmes një njoftimi me e-mail, Zyra e Komunikimit të këtij universiteti ka konfirmuar për CNA se kryebashkiaku Erion Veliaj ka vetëm diplomën e Bachelor-it dhe se informacioni i deritanishëm që qarkullon është i pasaktë.

E vërteta e diplomave të Erion Veliajt

“Z.Veliaj është diplomuar në studimet Bachelor në vitin 2002 dhe në vitin 2017 i është dhënë titulli “Doktor Nderi në Shërbim Publik” nga GVSU”,-theksohet nga Chris Knape, Asistent i Zëvendëspresidentit të Grand Valley State University. 

Ndërkohë, titulli “Doktor Nderi në Shërbim Publik” nga GVSU, është thjesht dhe vetëm një certifikatë vlerësimi që jepet nga ky universitet për individë të ndryshëm me një veprimtari në shërbimin publik, që bazuar në vitin e lëshimit, pra prill 2017, i takon periudhës kur Veliaj prej 4 vitesh mbante detyrën në institucion dhe më herët kishte ushtruar funksionin e ministrit. 

Veliaj, është rasti i një individi që ushtron detyrën më të lartë në strukturën drejtuese në një bashkie, duke zotëruar vetëm një diplomë të ciklit ‘Bachelor’, duke pasur kështu formimin më minimal shkollor të mundshëm për një kryebashkiak.

Vetëm me këtë diplomë Bachelor-i, sipas ligjit, Veliaj mund të ishte thjesht një nga vartësit e Drejtorëve të "5D"-së, të cilët i emëroi vetë, por vështirë do ta kishte punësimin me diplomën e shkollimit që ka, vetëm në rast se e punësonin për shërbime të tjera./CNA

 





Lajmet e fundit nga