web counter
LEXO PA REKLAMA!

SHKARKO APP

App Store
Google Play

E fundit!

x

Produktet e skaduara në treg/ Sula paralajmëron inspektime “rrufe” në bizneset në Korçë

22 Prill 2026, 13:30, Aktualitet CNA


Kryeinspektori i përgjithshëm, Dashnor Sula, doli në një deklaratë për mediat pas takimit me kryeinspektorët e Qarkut të Korçës, ku u ndal te problematikat kryesore që lidhen me sigurinë ushqimore.

I pyetur nga CNA mbi rezultatet konkrete të punës gjatë kësaj jave, në një kohë kur tregjet vijojnë të mbeten të mbushura me produkte të skaduara dhe të falsifikuara, kryeinspektori i Përgjithshëm Dashnor Sula, u shpreh se do të ketë inspektime “rrufe”.

Por ndonëse këto kontrolle cilësohen si të befasishme, njoftimi për to bëhet publikisht në media, duke i dhënë kohë çdo subjekti të marrë masat para mbërritjes së inspektorëve.

"Nëse do të kishit mundësinë që këtë informacion që keni ju, do të duhet ta adresoni në platformë, ne reagojmë menjëherë. Ditën e nesërme, ne si Inspektorat i Përgjithshëm, në disa subjekte të padeklaruara dhe të painformuara nga inspektoratet e zonës këtu, do të shkojmë bashkë me ta për inspektim. Ne kemi përzgjedhur edhe supermarkete, edhe linja prodhimi, për të qenë një inspektim i befasishëm, urgjent, i rrufeshëm për të parë nëse ka shkelje apo jo", tha Sula.

Në një situatë ku problemet në tregje vijojnë të jenë të dukshme, Sula theksoi se reagimi vjen pas sinjalizimeve, ndërsa paralajmëroi kontrolle urgjente në terren. Kështu, mes deklaratave për inspektime të papritura dhe paralajmërimeve të bëra publikisht, mbetet për t’u parë sa “rrufe” do të jenë realisht këto kontrolle.





Lajmet e fundit nga