web counter
LEXO PA REKLAMA!

SHKARKO APP

App Store
Google Play

E fundit!

x

"Xhiro" nga PD te PS dhe mik i Veliajt/ Kush është drejtori i ri i burgut të Durrësit

22 Prill 2026, 12:33, Aktualitet CNA

"Xhiro" nga PD te PS dhe mik i Veliajt/ Kush është drejtori

Këtë të mërkurë u emërua në detyrë drejtori i ri i burgut të Durrësit, Serjan Mazrreku.
Mazrreku zëvendëson në këtë detyrë Edmond Llabanin, i komanduar në detyrë më 15 janar, i cili ndërroi jetë në fillim të prillit pas një sëmundjeje të rëndë.

Sipas informacioneve, Mazrreku nuk është as më shumë e as më pak sesa një individ që shkon sa te Partia Demokratike, sa te Partia Socialiste, vetëm e vetëm për të bërë karrierë.

Me detyrën e re, Mazrreku i shkon afër Erion Veliajt në burgun e Durrësit, ku kryebashkiaku i arrestuar i Tiranës qëndron prej më shumë se një viti, me 13 akuza për 5 vepra të rënda penale.

Mazrreku ka punuar më herët në administratë dhe ushtron profesionin e juristit, që me siguri do t’i shërbejë shumë kryebashkiakut me këshillat e tij, së bashku me avokatin 99-ç, Plarent Ndreca.

Mazrreku pritet të jetë një tjetër "shërbëtor" i Veliajt, pavarësisht se më parë ka deklaruar se nuk pyet për asnjë kryebashkiak.

“S’më ka plas trapi asnjëherë për asnjë kryetar bashkie”,-ka deklaruar Mazrreku.

Përtej pretendimeve të tij, nuk ka asnjë dyshim se si mik i Erion Veliajt, Mazrreku do të jetë në krye të piramidës së burgut të Durrësit, strukturat drejtuese të së cilit janë kokë e këmbë të lidhura me kryebashkiakun e arrestuar të Tiranës./CNA





Lajmet e fundit nga