web counter
LEXO PA REKLAMA!

SHKARKO APP

App Store
Google Play

Zjarret në Shqipëri/ Kisha Orthodokse: Të shtojmë lutjet për situatën e rëndë që po kalon vendi

14 Gusht 2025, 15:16, Aktualitet CNA

Zjarret në Shqipëri/ Kisha Orthodokse: Të shtojmë lutjet

Kisha Orthodokse e Shqipërisë ka njoftuar këtë të enjte se me vendim të Sinodit të Shenjtë, në shenjë solidariteti me situatën e rëndë që po kalon vendi ynë për shkak të zjarreve të shumta, në Litanitë e Paqes së Liturgjisë Hyjnore dhe të shërbesave të shenjta, do të bëhen lutje të shumta për shpirtrat e atyre që humbën jetën dhe atyre që gjenden në rrezik.

"Për pushimin e shpejtë dhe pa pasoja të zjarreve, për shpirtrat e atyre që humbën jetën dhe për ndihmën e vëllezërve e motrave që gjenden në rrezik e në vuajtje për shkak të tyre, me përgjërim dhe solidaritet, le t’i lutemi Zotit”,-do të thuhet në lutje.

Kjo lutje do të shqiptohet veçanërisht në të gjitha shërbesat e shenjta të festës së madhe të Fjetjes së Hyjlindëses Mari, më 15 gusht, një ditë tepër e shenjtë dhe e dashur për besimtarët orthodhoksë shqiptarë.

Kisha u bën thirrje të gjithë besimtarëve të marrin pjesë duke bashkuar zërin e tyre në lutje, që me ndërmjetësinë e Hyjlindëses së Tërëshenjtë, vendi ynë të ruhet dhe shpëtohet nga çdo rrezik dhe fatkeqësi./CNA





Lajmet e fundit nga