web counter
LEXO PA REKLAMA!

SHKARKO APP

App Store
Google Play

E fundit!

x

Zjarri pranë Parkut Natyror të Gërmenjës/ Terreni i vështirë, ndërhyrje për demontimin e municioneve

13 Gusht 2025, 19:26, Aktualitet CNA

Zjarri pranë Parkut Natyror të Gërmenjës/ Terreni i

Një vatër zjarri u përhap së fundmi në afërsi të Parkut Natyror të Gërmenjës.

Siç bëhet me dije nga autoritetet, situata në këtë zonë, që ndodhet dhe në afërsi me kufirin grek, është mbajtur që në orët e para të mëngjesit e gjatë gjithë ditës së sotme në kontroll e monitorim.

Mësohet se po punohet për të parandaluar përhapjen e perimetrit të zjarrit brenda kurorës zonë e mbrojtur, nga ekipi i MZSH Kolonjë, punonjësit e drejtorisë rajonale të Agjencisë së Zonave te Mbrojtura e vullnetarë të zonës, mbështetur nga efektivë ushtarakë të xhenjos, të cilët ndërhynë për demontimin e municionave të konstatuara në zonë.

Gjithashtu është punuar edhe me skrep për të hapur rrugë pyjore, në mënyrë që mjetet zjarrëfikëse të afrohen sa më pranë sipërfaqes së prekur, e cila ndodhet në një distancë rreth dy orë larg në një terren jo të lehtë për t'u përshkruar.

Shtabi i emergjencave civile vendore po planifikon dhe organizon për vijimin e ndërhyrjes nesër që herët në mëngjes, duke komunikuar e koordinuar veprimet edhe me strukturat e palës greke./CNA

 

 

 

 

 

 





Lajmet e fundit nga